Tərlan Əhmədov: “İlk turda uduzmaq xoşagələn hal deyil”

“Oyunun çətin keçəcəyini bilirdik. Rəqibi tanımırdım. Sadəcə, ötən il AZAL-da oynayıb, indi “Zirə”də çıxış edən futbolçulara bələd idim”. Futbolxeber.az-ın məlumatına görə, bu sözləri AZAL-ın baş məşqçisi Tərlan Əhmədov deyib.

Premyer Liqanın ilk turunda “Zirə”yə 0:1 hesabı ilə uduzduqları görüşü şərh edən Əhmədov bunları söyləyib: “Düşünürəm ki, iki fərqli hissə izlədik. İkinci hissədə qol epizodları yaratdıq.  Lakin məğlub olduq. İlk turda uduzmaq xoşagələn hal deyil. Buna baxmayaraq, oyunçularımdan razı qaldım. Yeni komanda qurmuşuq. Düşünürəm ki, potensialımız var.”