Mövsüm qalmaqalla başladı

Azərbaycan Premyer Liqasında 2015/16 mövsümü qalmaqalla başlayıb. Futbolxeber.az-ın məlumatına görə, ilk tur çərçivəsində baş tutan “Neftçi” - “Kəpəz” (0:0) oyunundan sonra qonaqların avtobusunun şüşələri sındırılıb. Bunu “Neftçi” azarkeşlərinin etdikləri ehtimal olunur. İnsidentdən sonra hər iki klub rəsmiləri, eləcə də Peşəkar Futbol Liqasının prezidenti Ramin Musayev avtobusa baxış keçiriblər. Tərəflər arasında aparılan danışıqlardan sonra “Kəpəz”ə dəymiş ziyanın “Neftçi” tərəfindən ödənilməsi qərara alınıb.