28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Çalışacağıq ki, Premyer Liqa matçlarında da yaxşı oyunla seçilək”

“Kəpəz”in futbolçusu Şəhriyar Rəhimovun klubun mətbuat xidmətinə müsahibəsi

- Şəhriyar, çempionata hazırlıq necə gedir?

- Məncə, hər şey plana uyğun gedir. Məşqçilər korpusunun nəzərdə tutduğu plan üzrə hazırlaşmışıq. Həm Bakıdakı, həm də Türkiyədəki toplanış komandanın xeyrinə oldu. Əvvəlcə fiziki, sonra isə taktiki və texniki cəhətdən hazırlaşdıq. Bir-birimizə uyğunlaşmağa çalışdıq. Yeni komandayıq deyə uyğunlaşma sarıdan problem vardı. Allaha şükür, bunların hamısını aradan qaldırdıq. Çalışacağıq ki, çempionata uğurlu start verək. Yaxşi nəticələr qazanmaq üçün əlimizdən gələni edəcəyik.

- “Kəpəz” yoxlama oyunlarında uduzmadı və əsasən qələbə qazanmaqla seçildi. Necə düşünürsən, bu amil komandada qalib ruhunu formalaşdıra bildi?

- Əlbətdə. Yoxlama oyunlarındakı qələbələr bizə xallar verməsə də, komandada özünəinam yaratdı. Udmağa alışırıq və sizə deyim ki, bu, yaxşı haldı. Düzdü, yoldaşlıq görüşlərində nəticələr önəmli deyildi. Amma əhəmiyyətli olan digər məqam futbolçuların oyun sisteminə uyğunlaşması idi.

- Yoxlama oyunlarındakı nəticələr sizi arxayınlaşdırmayıb?

- Yox, uşaqlar hansı yükün altına girdiyimizi dərk edirlər. İnanmıram ki, bu nəticələr hansısa bir futbolçunu rahatlaşdırsın, özünəinam hissini başqa səmtə yönəltsin. Hamı çempionatın necə ağır keçəcəyini yaxşı başa düşür. Çalışacağıq ki, Premyer Liqa matçlarında da yaxşı oyunla seçilək.

- Gəncə klubunun azarkeş sarıdan korluq çəkməməsi sizin üstünlüyünüzdü. Sən nə düşünürsən?

- Bu vaxta kimi oynadığım klubların böyük azarkeş kütləsi olmayıb. Çox sevindirici haldı ki, “Kəpəz”in fanatları çoxdu və komandanı ürəkdən sevirlər, yaxından izləyirlər. Məşqlərdə, yoxlama oyunlarında bizi tək qoymurlar. Hətta Türkiyəyə yollananda və qayıdanda belə bizi hava limanında gecə saatlarında yola salıb, həm də qarşıladılar. Əminəm ki, azarkeşlərin sayı çempionat oyunlarında qat-qat çox olacaq. “Kəpəz”i dayanmadan dəstəkləyəcəklər və biz futbolçular yaxşı nəticələrlə onları sevindirə biləcəyik. İnanın ki, bütün gücümüzlə buna çalışacağıq.

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31