“Zirə” Türkiyə toplanışını məğlubiyyətlə başa vurdu

“Zirə” Türkiyənin Ərzurum şəhərindəki təlim-məşq toplanışını başa vurub. Futbolxeber.az-ın məlumatına görə, komanda son yoxlama oyununda Gürcüstanın güclülər dəstəsinin iştirakçısı “Samtredia” ilə qarşılaşdı. Ötən mövsümü 6-cı sırada başa vuran rəqiblə oyuna start heyətində Anar Nəzirov, Adil Nağıyev, Yovan Krneta, Ruslan Poladov, Sadiq Quliyev, Tərzin Cahangirov, Luis Alberto Tato, Viktor İqbekoyi, Təmkin Xəlilzadə, Nicat Qurbanov və Rihairo Muelnes çıxıblar. Zədə üzündən Rəşad Abdullayev, Aleksandr Şemonayev və Kamal Bayramov bu qarşılaşmada forma geyinməyib. Matç “Zirə”nin 1:3 hesablı yenilgisi ilə tamamlanıb. Təmsilçimizin yeganə qolunu Tato vurub.

Qeyd edək ki, Ərzurum toplanışını başa vuran “Zirə” bu gün vətənə dönür.