“Xəzər Lənkəran” sabahdan “İnter”lə oyunun hazırlığına başlayacaq

Türkiyədə keçirdiyi təlim-məşq toplanışını başa vuraraq, vətənə dönən “Xəzər Lənkəran”ın istirahəti sabah yekunalaşır. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. O qeyd edib ki, komanda sabah yenidən bir araya gələcək. Lənkərandakı bazada bir araya gələcək futbolçular axşam məşqə çıxacaq. Bununla da “Xəzər Lənkəran” Premyer Liqanın ilk turunda “İnter”ə qarşı keçirəcəyi matçın hazırlığına start vermiş olacaq.

Xatırladaq ki, Premyer Liqanın ilk turu çərçivəsində keçiriləcək “Xəzər Lənkəran” - “İnter” matçı avqustun 9-da baş tutacaq.