“Milan”ın yetirməsi “Xəzər Lənkəran”da qalacaq?

“Xəzər Lənkəran”da baxışda olan “Milan”ın yetirməsi L`İmam Seydi vətəninə yollanıb. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. O, qeyd edib ki, Türkiyədən birbaşa vətəninə yollanan Seydi qarşıdakı günlərdə yenidən “Xəzər Lənkəran”ın düşərgəsinə yollanacaq. Yenidən sınaqdan keçəcək futbolçu haqda yekun qərarı məşqçilər korpusu verəcək.

Xatırladaq ki, “Derincespor”a qarşı yoxlama oyununda meydana start heyətində çıxan L`İmam Seydi dubl etməklə “Xəzər Lənkəran”a qələbə qazandırıb.