Adil Şükürov: “Komandanın oyunundan razı qaldım”

“Zirə”nin baş məşqçisi Adil Şükürovun hazırlıq prosesi çərçivəsində Gürcüstanın “Kolxeti” klubuna 0:1 hesabı ilə uduzduqları yoxlama oyunundan danışıb. Futbolxeber.az-ın məlumatına görə, klubun rəsmi saytına açıqlamasında Şükürov deyib: “Komandanın oyunundan razı qaldım. Futbolçular özlərini yaxşı tərəfdən göstərməyə çalışdılar. Biz onları fərqli mövqelərdə oynatdıq ki, gözlənilməz vəziyyətlərdə özlərini necə hiss etdiklərini görək. Futbolçuların hamısına inanırıq, tam olaraq kimlərin start heyətində meydana çıxacağını müəyyənləşdirməmişik. Yoxlama oyunları həm də bu baxımdan vacibdir. Ümumi yüklənmə dövründə belə oynamaları normal idi. 2-ci hissədə əsasən gənclərə şans verdik, onları da yoxladıq. Xətlər arasında əlaqəni nəzərdən keçirdik. Yeni komandayıq, nəticədən asılı olmayaraq hansı addımları atacağımızı öyrəndik. Əsas səhvlərin görünməsidi. Biz səhvlərimizi gördük və qarşıda bunları aradan qaldırmağa çalışacağıq”.