Daşdəmirov: "Layiqli qələbə qazandıq”

“Görüş çox çətin keçdi. Amma bu dəfə səfərdəkindən daha yaxşı çıxış etdik. Serbiyada bir qədər zəif təsir bağışlamışdıq”. Futbolxeber.az saytına açıqlamasında bu sözləri “Qəbələ”nin üzvü Arif Daşdəmirov deyib.

“Çukariçki” üzərində qələbədən danışan Daşdəmirov, rəqibdən üstün olduqlarını bildirib: “Layiqli qələbə qazandıq. 2 dəfə qol vurmaq üçün şansım olsa da, yararlana bilmədim. Amma daha mühüm olan “Qəbələ”nn mərhələ adlamasıdır”.

Millimizin də formasını geyən futbolçu Avroliqanın III təsnifat mərhələsində üz-üzə gələcəkləri “Apollon” haqda geniş informasiyaya sahib olmadıqlarını qeyd edib: “Qarşıda bizi “Apollon”la oyun gözləyir. Düzünü deyim ki, rəqib haqda geniş məlumatım yoxdur. Amma qarşıdakı günlərdə məşqçilərimiz lazımi məlumatları verəcəklər”.