28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Apollon”u yaxından tanıyaq

“Qəbələ”nin UEFA Avropa Liqasının III təsnifat mərhələsindəki rəqibi müəyyənləşib. Futbolxeber.az-ın məlumatına görə, buna II təsnifat mərhələsinin Litvada keçirilən “Trakai” (Litva) - “Apollon” (Kipr) oyunu aydınlıq gətirib. Rəqibini doğma Limasolda deyil, Larnakada qəbul edən “Apollon” ilk oyunda 4:0 hesabı ilə qalib gəlib. Kiprlilər səfərdə qolsuz heç-heçə ilə kifayətlənərək, “Qəbələ”yə rəqib olub.

Portuqaliyalı baş məşqçi Pedro Emmanuelin çalışdırdığı komanda ilə ilk oyununu “qırmızı-qaralar” ev sahibi kimi keçirəcək. Bu matç iyulun 30-da baş tutacaq. Avqustun 6-dakı cavab oyununda meydan sahibi isə kiprlilər olacaq.

1954-cü ildə yaranan bu komanda Limasol şəhərini təmsil edir. “Apollon” ev oyunlarını 13331 tamaşaçı tutumuna malik “Sirion stadium”da keçirir. Komandanın loqosundan da klubun adını daşıdığı Apollonun şəkli əks olunub. Klubun rəngləri isə Yunanıstan bayrağında əks olunan göy və ağdır. 1990/91, 1993/94 və 2005/06 mövsümlərində Kipr çempionu olan “Apollon” kubokda daha uğurlu çıxış edib. Limasollular 7 dəfə - 1965/66, 1966/67, 1985/86, 1991/92, 2000/01, 2009/10 və 2012/13 mövsümlərində ölkə kubokuna yiyələnib. 2006-cı ildə isə Kipr Superkuboku “Apollon”a nəsib olub. Bundan başqa, komanda 4 dəfə çempionatın gümüş medalını əldə edib, 7 dəfə kubokun finalında yenilib.

Avrokuboklarda 1986/87 mövsümündə debüt edən komanda ilk dəfə 1990/91 mövsümündə mərhələ adlayıb. 1996-cı ildə İntertoto kubokunda qrupa yüksələn “Apollon”un əsas uğurları son illərə təsadüf edib. Ardıcıl 2 dəfə Avropa Liqasının qrupunda oynayan komanda 2013/14 mövsümündə Fransa “Nitsa”sı, 2014/15 mövsümündə Rusiya “Lokomotiv”ini pley-offda məğlub edərək, qrupa düşüb. İlk cəhddə 4 xalla 3-cü olan Limasol klubu ötən il 3 xalla 4-cü olub. “Apollon” 2014/15 mövsümündə Kipr çempionatının bürünc mükafatını qazanıb. Rəqibimiz çempion adını qazanan APOEL-dən 3 xal geri qalıb, yalnız əlavə göstəricilərdə gümüş qazana bilməyib.


gabalafc.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31