Tale Heydərov: “Sona qədər inanırdım ki, qol vuracağıq”

“Qəbələ”nin prezidenti Tale Heydərov “Dinamo” ilə oyundan Futbolxeber.az saytının Qəbələyə ezam olunmuş əməkdaşına müsahibə verib.

- “Qəbələ” tarixində ilk dəfə avrokuboklarda mərhələ adladı. Görüşlə bağlı nə deyə bilərsiz?

- İlk dəfədir ki, mrəhələni keçdik. Çox çətin oyun oldu. Amma komanda sona qədər mübarizə apardı. Oyunçularımızla fəxr edirik. İnanırıq ki, bundan sonra daha yaxşı nəticəlrə əldə edəcəyik.

- Lazım olan qolun sona yaxın vurulması sizi həyəcanlandırdı?

- Təbii ki, hamımız həyəcanlı idik. Lakin sona qədər inanırdım ki, qol vuracağıq. Yekunda da lazım  olan qolu vurduq. Daha sonra komanda ikinci dəfə fərqləndi.

- Bundan sonra “Qəbələ”dən nə gözləmək olar?

- İndi növbəti mərhələyə hazırlaşacağıq. Çalışacağıq ki, ikinci mərhələdə də uğur qazanaq.

- Yeni transferin olması mümkündürmü?

- Hal-hazırda danışıq apardığımız oyunçular var. Məşqçinin dediyinə əsasən transfer çalışmalarımızı davam etdiririk. Yenə də heyəti gücləndirəcəyik.

- Demək olar ki, bu gün “Qəbələ”nin hücum xətti bir qədər zəif təsir bağışlayır?

- Müəyyən dərəcədə hücumda çatışmazlıqlar var. Ancaq zamanla hər şeyin yoluna düşəcəyinə, komandanın daha yaxşı oyun sərgiləyəcəyinə inanıram.