Qriqorçuk: “Bayraq qalmaqalından futbolçularımı motivasiya etmək üçün istifadə etməyəcəyəm”

“Biz hər oyunda 5:0 hesablı qələbə qazanmaq istəyirik. Amma hələ ki bunu reallaşdırmaq üçün tam hazır deyilik”. Futbolxeber.az-ın Qəbələyə ezam olunmuş əməkdaşının verdiyi məlumata görə,, bu sözləri “Qəbələ”nin baş məşqçisi Roman Qriqorçuk sabah Avroliqanın I təsnifat mərhələsinin cavab oyunu çərçivəsində “Dinamo”ya qarşı baş tutacaq görüş öncəsi keçirdiyi mətbuat konfransında deyib.

Ukraynalı mütəxəssis komandalar arasında Tiflisdə baş tutan ilk oyunundan sonra yaşanan bayraq qalmaqalından futbolçularını motivasiya etmək üçün istifadə etməyəcəyini bildirib: “Belə şeylərə çox pis baxıram. Futbolçularımı hazırlayanda bundan istifadə etmək fikrim yoxdur. Futboldan kənarda yaşanan bü ür halları pisləyirəm. Klub rəhbərliyi əlindən gələni edəcək ki, sabahkı görüşdə hər hansı bir problem yaşanmasın”.