“Qəbələ”lə yenidən “İnter”lə üz-üzə gəlir

2015-2016 mövsümünün hazırlıqlarını doğma məkanda davam etdirən “Qəbələ” bu gün növbəti yoxlama oyununu keçirəcək. Futbolxeber.az-ın məlumatına görə, “Qəbələ” Bakı “İnter”i ilə qarşılaşmada qüvvəsini sınayacaq. Bu, komandalar arasında ardıcıl 2-ci yoxlama matçı olacaq. İyunun 24-də baş tutan görüşdə “Qəbələ” Aleksey Antonovun qolu ilə qalib gəlmişdi - 1:0. Matç Qəbələ şəhər stadionunda, saat 20:00-da start götürəcək. Xatırladaq ki, 4-cü yoxlama oyununu keçirəcək “qırmızı-qaralar” Türkiyədəki təlim-məşq toplanışı çərçivəsində Ərzurumun U-21 komandasını 2:1, “Aşkalespor”u 10:0 hesabı ilə məğlub etmişdi.