29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Kəpəz” seleksiya xarakterli toplanışa start verdi

Qarşıdakı mövsümdən Premyer Liqada mübarizə aparacaq “Kəpəz” Gəncə şəhər stadionunda seleksiya xarakterli toplanışa start verib. Futbolxeber.az-a klubun mətbuat xidmətindən verilən məlumata görə, məşqdən öncə Müşahidə Şurasının üzvləri və klubun rəsmiləri meydanda məşqçi heyəti və futbolçularla görüşüb. Qurumun üzvlərindən Mikayıl Nərimanoğlu, Müşfiq Cəfərov və icraçı direktoru Mehman Allahverdiyev toplanışa qatılan oyunçular qarşısında çıxış edərək, onlara uğurlar arzulayıb. Özünü ən yaxşı tərəfdən göstərən futbolçuların məşqçilərin rəyi əsasında komandaya cəlb olunacağı bildirilib.

İlk məşq prosesində topa toxunuşu “Kəpəz”in tarixi keçmişi olan, veteran futbolçu Müzəffər Qasımovla komandanın gələcəyi, “Mancester Yunayted” Yay Futbol Məktəbinə seçimlərdə sınaqdan uğurla çıxmış Nihat Fərəci edib. Bir-birinə ötürmələr edən ikili daha sonra meydanı komanda üzvlərinin ixtiyarına verib.

Qeyd edək ki, “sarı-göylər”in baş məşqçisi Şahin Diniyev və köməkçisi Şakir Qəribov AFFA-nın Məşqçilər Komitəsinin üzvü kimi yığma komandaların xarici səfərlərində olduğu üçün Nizami yurdunun təmsilçisini məşqə digər köməkçi məşqçilər çıxarıb. Xaliq Mərdanov, Füzuli Allahverdiyev və Nadir Şükürov ilk məşqdə futbolçulara tapşırıqlar verib. Səfərdə olan mütəxəssislər qarşıdakı günlərdə “Kəpəz”in düşərgəsinə təşrif buyuracaqlar.

Nəzərinizə çatdıraq ki, seleksiya toplanışına Gəncədən olan 30 futbolçu qatılıb. Onlardan 13 oyunçu son mövsümdə komandanın şərəfini qoruyub.

Yeri gəlmişkən, ilk məşq prosesinə klubun azarkeşləri də maraq göstərib. Toplanışı 30-a yaxın fanat izləyib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31