28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Zirə” və “Kəpəz”in rəsmiləri yalnız avqustdan Klublar Komitəsinin iclasına qatıla bilər”

“Klublar Komitəsinin sabahkı iclasında əvvəl olduğu kimi 9 klubun - “Bakı”, “Qarabağ”, “Xəzər Lənkəran”, “Qəbələ”, “İnter”, “Simurq”, “Sumqayıt”, “Neftçi” və AZAL-ın nümayəndələri iştirak edəcəklər”. Futbolxeber.az saytına açıqlamasında bunu Klublar Komitəsinin katibi Firuz Abdulla deyib.

F.Abdulla qeyd edib ki, növbəti mövsümdən Premyer Liqada mübarizə aparacaq “Zirə” və “Kəpəz”in rəsmiləri yalnız avqustdan Klublar Komitəsinin toplantısına qatılacaqlar: “Bu, mövsümün son iclası olacaq. Adıçəkilən 9 klub cari mövsümdə sona kimi Premyer Liqada iştirak etdiyindən sabahkı toplantıda da onların rəsmiləri yer alacaqlar. Növbəti mövsümdən yüksək liqada çıxış edəcək “Kəpəz” və “Zirə”nin nümayəndələri yalnız avqustdan Klublar Komitəsinin iclasına qatıla bilərlər”.

Klublar Komitəsinin son iclasında qurumun rəhbəri Tuyqun Nadirov növbəti toplantının “Qarabağ”ın bazasında baş tutacağını bildirmişdi. Amma sabah da klublar oteldə bir araya gələcəklər. Firuz Abdulla bunun səbəbini belə izah edib: “Ötən toplantıda belə söhbət olmuşdu. “Qarabağ” rəsmiləri də qeyd etmişdilər ki, növbəti iclas onların bazasında keçirilə bilər. Lakin qərara alındı ki, bu dəfə də iclas “Hilton”da baş tutsun. Bayaq da dediyim kimi, bu, mövsümün son iclasıdır. Yəqin ki, növbəti mövsümdən Klublar Komitəsinin iclası hər dəfə bir komandanın bazasında baş tutacaq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31