“Qarabağ”dan ardıcıl II çempionluq!

Azərbaycan Premyer Liqasında 2014/15 mövsümünün qalibi müəyyənləşib. Futbolxeber.az-ın məlumatına görə, sona 2 tur qalmış “Qarabağ” çempionluğu təmin edib. Bu, Ağdam klubunun ardıcıl ikinci, ümumilikdə isə üçüncü çempionluğudur.

Hazırda Qurban Qurbanovun komandasının aktivində 68 xal var. “İnter” isə 60 xalla ikincidir. “Qarabağ” növbəti turda, “bankirlər”ə uduzsa belə, zirvədəki yerini əldən verməyəcək.

Qeyd edək ki, Ağdam klubu ilk dəfə 1993-cü ildə Azərbaycan çempionu adını qazanıb.