4 Aprel 2020, Şənbə
“Qəbələ”: 78 penaltidən 61-i qol olub
UEFA: Çempionatlar yekunlaşdırılsın
PFL gülüş gününü belə xatırlatdı
FİDE reytinqi: Şəhriyar gerilədi

Ölkə futbolu

Elvin Məmmədov: “Qəbələ”ni məğlub etsək, niyə də çempion olmayaq?”

“İnter”in yarımmüdafiəçisi Elvin Məmmədov Futbolxeber.az saytına müsahibə verib.

- “İnter” Premyer Liqanın 33-cü turunda “Neftçi”ni darmadağın etdi (4:0). Oyunla bağlı nə deyə bilərsən?

- Gözəl oyun oldu. Komandamızı təbrik edirəm. Həm də özümü təbrik edirəm. Əlimizdən gələni etdik. Məqsədimiz hər oyunda qələbə qazanmaqdır. Liderlə xal fərqini azaltmaq istəyirdik. Bütün bacarığımızı meydanda qoyduq və istəyimizə çatdıq.

- Mirhüseyn Seyidovun qırmızı vərəqə aldığı epizod barədə fikirlərin necədir?

- Oyun epzodu idi. O, ayağını uzatdı. İnanmıram ki, Mirhüseyn məni qəsdən vursun. Hakimin qərarı idi.

- Hesab arasındakı fərqin bu qədər böyük olacağını gözləyirdiniz?

- Bu hesabla qalib gələcəyimizi gözləmirdik. Komanda şəklində çox yaxşı oynadıq. Nəticəni layiqli hesab edirəm.

- Fərqləndiyin epizodda topu qapıçının ayaqları arasından keçirmək istəyirdin...

- Hə, topu məhz qapıçının ayaqları arasından keçirmək istəsəm də, alınmadı. Əsas odur ki, ikinci cəhddə fərqləndim.

- Artıq itirilmiş xallara görə “İnter” “Qarabağ”dan cəmi 3 xal geri qalır. Üstəlik, “Qarabağ”la bir oyununuz da var. Çempionluq şansını necə dəyərləndirirsən?

- Biz əlimizdən gələni edirik. Çempionluq ümidimizi itirməmişik. Qəbələdəki oyundan asılıdır çox şey. “Qəbələ”ni məğlub etsək, niyə də çempion olmayaq?

- Komandadakı maliyyə problemləri çempionluğunuza əngəl ola bilər?

- Acınacaqlı vəziyyətdir. Komanda əzmlə məşq edir, mübarizə aparır və bu problemləri hiss etdirmir. İkinci yerdə gedən komanda belə vəziyyətdə olmamalıdır. Avrokuboklarda Azərbaycanı təmsil edəcəyik. Mən olmasam belə, “İnter”in yaşaması çox vacibdir.

- “Neftçi”yə keçəcəyin haqda yayılan xəbərlər nə dərəcədə doğrudur?

- Belə bir söhbət yoxdur. Təklif olsa, hər şey rəhbərlikdən asılıdır.

- Elvin Məmmədov maaşının azaldılması şərti ilə “İnter”də qalar?

- Məni qane edəcək maaş olsa, qalaram. Yayda “İnter” avrokuboklarda oynayacaq. Çempionlar Liqasında, Avroliqada çıxış etmək hər bir futbolçunun arzusudur. Zaman hər şeyin dərmanıdır. İnanırıq ki, tezliklə vəziyyət düzələcək. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30