28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Maksim Medvedev: “Oyun gedə-gedə “səhv etdim” söyləyən hakimə nə deyim?”

“Qarabağ”ın müdafiəçisi Maksim Medvedev Futbolxeber.az saytına müsahibə verib.

- Premyer Liqanın son turunda “Qarabağ” “Qəbələ” ilə oyunun sonunda qələbəni əldən verdi. Görüş barədə nə deyə bilərsən?

- Çətin qarşılaşma oldu. Hava şəraiti əlverişli deyildi. Birinci hissədən sonra komanda yoldaşların sanki nəfəs salmaqda çox çətinlik çəkirdi. “Qəbələ”də də irəliləyiş var. Xüsusən də hücumda yaxşı oynayırlar. Oyun ərzində qeyri-adi heç nə etməsələr də, topu müdafiənin arxasına atıb qaçırdılar. Bu da bizə çətinlik yaradırdı. Hesab fərqli ola bilərdi. Ümumi götürdükdə, heç-heçə pis nəticə deyil.

- Sona yaxın “Qarabağ”da demək olar ki, hamı hakimlərdən narazılıq edirdi. Bunun səbəbi nə idi?

- Hakimin qərarlarının oyuna təsiri oldu. 1:0 hesabı ilə öndə idik. Qələbə bizim üçün vacib idi. Amma hər xırda şeyə görə fitini səsləndirməyi heç yerinə düşmədi. Oyun gedə-gedə hakim deyir ki, Maksim, “səhvə yol verdim”. Ona nə deyim?  Epizodların birində top Ekiqodan meydanı tərk edir, qapımıza künc zərbəsi təyin edir. Mendi iki dəfə məni dartır, yıxılıram, qapımıza zərbə təyin edir.

- Penalti epizodunda hakim nə dedi?

- Məncə, bu cür penalti təyin etmək düzgün deyil. Mendi onsuz da cərimə meydançasından çıxırdı. Şehiç də dedi ki, onu itələməyib, sadəcə korpusla oynayıb.

- Bütün bunlar “Qarabağ”ın çempionluğunu əngəlləyə bilər?

- Qarşıda oyunlarımız var. Riyazi baxımdan şansımız yaxşıdı. Gərək, səhvlərə yol verməyək və özümüzü yaxşı tərəfdən göstərək.

- Hava şəraitindən şikayət etdin. Amma kubokun finalı da Qəbələdə keçiriləcək...

- “Qəbələ” bu iqlimdə çox oynayıb və öyrəşib. Amma “Neftçi” də bizim kimi bura qonaq qismində gələcək. Onların futbolçularına da çətin olacaq. Həmin vaxt şanslar bərabərdi.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31