Ölkə futbolu
Rafael Santos: “Bu, mənim üçün Azərbaycanda təəccüblü oldu”
“Qəbələ”nin müdafiəçisi Rafael Santos klubun qəzetinə müsahibə verib. Həmin müsahibəni təqdim edirik:
- Komandamızın son vaxtlar uğurlu çıxışının səbəbini nədə görürsən?
- Fikrimcə, bunda baş məşqçinin böyük rolu var. Roman Qriqorçuk istədiklərini artıq həyata keçirə bilib. Oyunçuların baş məşqçinin istəklərini meydanda reallaşdırılması vacib amildir. Bu, nəticələrdə də əksini tapır.
- Qriqorçukun futbolçulardan əsas istəyi nədir?
- İlk növbədə komanda oyunu. Yanvar ayından bizimlə işləməyinə baxmayaraq, işləri tezliklə yoluna qoymağı bacarıb. Yeni futbolçuların komandaya uyğunlaşması da önəmli amildir. Bütün bunlar oyunumuza müsbət təsir göstərib.
- Rafael Santos “Qəbələ”nin müdafiə xəttinin, belə deyək, dirəyi sayılır. Komandamızda çıxış etdiyin 14 ayda qol vurmasan da, sabit oyununla seçilirsən, meydanda komanda yoldaşlarının səhvlərini daim sığortalayırsan. Buna necə nail olursan?
- “Qəbələ”də həmişə yaxşı münasibət görmüşəm. Azərbaycanda olmaqdan çox məmnunam. Artıq ailəm də mənimlədir. Bunlar oyunumun sabit olmasını əsaslandıran faktorlardır. Rəvan və rahat həyat çıxışıma müsbət təsir göstərir. Əlbəttə, prezidentimizin, klub rəhbərliyinin, baş məşqçinin, komanda yoldaşlarımın və azarkeşlərin dəstəyi də sabit oynamağımı səciyyələndirən amillərdəndir. Standart vəziyyətlər zamanı çox vaxt rəqibin cərimə meydanında olur və qol vurmağa çalışıram. Ancaq mənim üçün özümün fərqlənməsi yox, komandamın qalib gəlməsi daha vacibdir.
- “Qəbələ”də 3 baş məşqçinin rəhbərliyi ilə oynamısan. Rusiyalı Yuri Syomin, rumıniyalı Dorinel Muntyanu və ukraynalı Roman Qriqorçuk.
- Hər üçü tanınmış, iş üslubları fərqli olan mütəxəssislərdir. Məncə, hər birinin futbola baxışı özünəməxsus idi. Əsas məsələ futbolçuların yeni baş məşqçiyə tez uyğunlaşması, onların oyun fəlsəfəsini yetərincə başa düşmələridir.
- Qriqorçuk “Qəbələ”yədək 4 il “Çernomorets”də baş məşqçi olub. Sənsə bura gələnədək çıxış etdiyin Kiyev “Arsenal”ında indiki çalışdırıcınla rəqib olmusan.
- Doğrudur. Bu, həm də “Qəbələ”yə gələn ukraynalı futbolçular - Dmitri Bezotosnı, Aleksey Qay və Ruslan Fominə də aiddir. Mən onlara qarşı Ukraynada çox oynamışam.
- Qriqorçuk səni xatırladımı?
- Bəli. O, “Arsenal”da oynadığımı bilirdi. Məni görəndə, Ukraynadan xatırladığını dedi.
- “Qəbələ”də debüt mövsümün klubun tarixində bir sıra ilklərə yadda qaldı.
- Bəli, bunlar mənim üçün unudulmaz anlardır. Karyeramda 2 dəfə çempion olmuşam: vətənimdə “Vitoriya” və “Atletiko Paranaense” klublarında. Azərbaycana yeni gələndə, elə ilk mövsümdəcə mükafat qazanmaq istəyirdim. Bu mənada, “Qəbələ”nin heyətində əldə etdiyim bürünc mükafatın dəyəri mənim üçün çox böyükdür. Kaş ki daha yüksək əyarlı medal – qızıl, ya da gümüş qazanaydıq.
- Bu il daha yüksək əyarlı medal qazanacağımıza, yaxud ən azı, ötənilki nəticəni təkrarlayacağımıza inanırsan?
- Artıq komandamızın oyunu alınır. “Qəbələ” qış fasiləsindən sonra xeyli irəli gedib. Bunlar gələcəyə nikbin baxmağa əsas verir. Məncə, oyundan-oyuna daha yaxşı çıxış edirik. İstənilən halda, cari mövsümdə medallar, avrokuboklar uğrunda mübarizəmizi sonadək davam etdirəcəyik.
- Azərbaycan Premyer Liqası Braziliya və Ukrayna çempionatlarından nəyi ilə fərqlənir?
- Azərbaycan Premyer Liqası fərqli çempionatdır. Braziliya çempionatında topla oyuna üstünlük verirlər. Ukrayna Premyer Liqası daha çox sərt oyunu, güc futbolu ilə seçilir. Azərbaycan çempionatına gəlincə, ilk vaxtlar mənə çətin idi. Çünki mənim üçün naməlum bir çempionat idi. Bura gəlməzdən öncə Premyer Liqanız haqda məlumatım yox idi. Azərbaycan çempionatına uyğunlaşmaq, özəlliyini başa düşmək üçün mənə bir qədər vaxt lazım oldu. Artıq çətinliklər arxada qalıb və özümü Premyer Liqada rahat hiss edirəm.
- Adətən, braziliyalılar çılğın olurlar. Ancaq sən əksinə... Yəni yerlilərinə bənzəmirsən.
- (Gülür) Mənə bunu çox deyiblər. Məncə, sakit təbiətli olmağım, öz hisslərimə nəzarət etməyim birbaşa ailəylə bağlı məsələdir. Ancaq öz işimə həddən artıq ciddi yanaşıram. Komanda yoldaşlarımla münasibətlərim əladır.
- Maraqlıdır, “Qəbələ” Braziliyadan necə görünür?
- Vətəndə olanda, adətən, mənə “Qəbələ” haqda suallar verir, Azərbaycandakı həyat tərzimlə çox maraqlanırlar. Çünki Azərbaycanla Braziliya fərqli ölkələrdir. Mən “Qəbələ” haqda həmişə yaxşı danışıram. Çünki burada çox xoşbəxtəm. “Qəbələ” ilə bu ilin sonunadək müqaviləm var.
- Braziliya eyni zamanda çimərlikləri ilə tanınır. Qəbələ isə dənizdən kənarda, fərqli təbiəti olan dağətəyi bölgədir. Bura sənə vətənində hansı bölgəni xatırladır?
- Bəlkə Braziliyada da Qəbələ kimi inkişafda olan şəhərlər tapmaq olar. Hər halda, Qəbələnin vətənimdəki bəzi şəhərlərlə oxşarlığı var. İkinci ildir burdayam və Qəbələnin getdikcə daha da inkişaf etdiyini görürəm. Mən əsas fərqi 2 ölkənin insanlarının xarakterlərində görürəm. Biz bir az emosionalıq, azərbaycanlılar isə sakit təbiətlidir. Braziliyada tətildə olduğum müddətdə əsas istəyim yaxşı dincəlmək, əylənmək olur. Bizə oyunlardan sonra verilən 2-3 günlük istirahət vaxtı ailəmi Bakıya aparıram.
- Azərbaycanda da Rafael adının olması sənin üçün gözlənilməz olmadı ki?
- Bir az təəəcüblü oldu. Azərbaycanda da Rafaellərin olacağını gözləmirdim. Hər halda, adıma burada da rast gəlməyim mənim üçün xoşdur.
- Sonda ailən haqda...
- 10 yaşında bir oğlum var, adı Rafael Kevindir. Futbola həvəsi böyükdür. İstərdim ki, yaxşı futbolçu olsun. Bunu zaman göstərəcək. Braziliyada “Korintians”ın akademiyasına qoymuşam.
- Hansı mövqedə oynayır?
- Hücumda. Məncə, ailədə bir müdafiəçi bəsdir. Qoy oğlum da hücumçu olsun, çoxlu qol vursun. Daha 3-4 il oynamaq istəyirəm. Bundan sonra futbolçukaryeramı bitirib, oğluma daha çox vaxt ayıracağam.
- Dekabrın 31-də başa çatacaq müqaviləni uzatmaq istərdinmi?
- Əvvəla, məqsədim həmin vaxtadək müqavilə şərtlərini, üzərimə düşən öhdəlikləri yerinə yetirməkdir. Anlaşmanın uzadılması daha çox rəhbərlikdən, baş məşqçidən asılıdır. Təbii ki, mənim də istəyim vacibdir. “Qəbələ”yə öyrəşmişəm və burada qalmaq istərdim.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Prezidentin nəvəsindən Qara Qarayevə dəstək
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Azər Bağırov: “Futbolçular tapşırıqları icra etmirlər”
-
18:28
"Bağçam"ın IV Şahmat Festivalı başa çatdı
-
17:50
U-17 millimiz Özbəkistana məğlub olub
-
17:36
AFFA Premyer Liqa klublarının maliyyə menecerləri üçün seminar keçirib
-
17:14
Heydər Əliyevin anadan olmasının 101-ci ildönümünə həsr olunmuş futzal turniri başlayıb
-
16:43
Əliyar Ağayev Fatih Terimin komandasının oyununda
-
16:27
Ağadadaş Salyanski: “Bojoviç nə qərar versə, o da olacaq”
-
16:05
Şahin Bağırov Bərdədə voleybol klubunun ilk məşqini izləyib
-
15:52
Azərbaycanlı basketbol məşqçilərinə sertifikatlar təqdim olunub
-
15:38
PSJ-nin prezidenti "Qarabağ"ı təbrik etdi
-
15:11
"Qəbələ"nin futbolçusu əməliyyat olunub
-
14:49
Azərbaycanın üç bədii gimnastı Bolqarıstandakı turnirdə iştirak edəcək
-
14:04
PFL hakim təyinatlarını açıqladı
-
13:56
Juninyo: "Qarabağ"la 2 illik müqaviləm var, amma...”
-
13:25
Akrobatika gimnastikası üzrə ölkə birinciliyi və Bakı çempionatı start götürüb
-
13:12
AFFA rəsmisi UEFA-nın iclasında iştirak edib
-
13:00
Matias azarkeşlərdən üzr istədi, boykotu düzgün saymadı: “Klubun adı oyunçulardan üstün olmalıdır”
-
12:33
Musa Qurbanlı: "Yayda nələr olacağını birlikdə görəcəyik"
-
11:49
Üzgüçülük üzrə açıq Azərbaycan çempionatı start götürüb
-
11:27
Azərbaycanın idman gimnastı Dünya Kubokunda finala yüksəlib
-
11:14
"Atalanta" İtaliya kubokunun finalında VİDEO
-
11:06
Finalda təkrarlanan 6-cı cüt
-
10:58
"Mançester Yunayted" 3 xalı 4 qolla qazandı VİDEO
-
10:45
Patrik Andrade: “4 qolluq qələbələr üzümüzü güldürür”
-
10:32
"Trabzonspor" finala yaxınlaşdı VİDEO
-
10:23
“Qarabağ” “Neftçi”yə çatdı
-
10:11
Çempionluq yolunda "Liverpul"a ağır zərbə VİDEO
-
09:59
Azərbaycan kubokunda yeni rekord
-
09:47
PSJ-dən 4 qollu qələbə VİDEO
-
09:30
"Qəbələ"də 300-cü oyun
-
22:39
Qurban Qurbanov: “Bəli, mənə müəllim, hoca deyirlər, amma...”
-
22:14
Bojoviç: “...gözləmək lazımdır”
-
22:00
Avropa çempionatı: Azərbaycan boksçusu yarımfinala vəsiqə qazanıb
-
21:48
"Zirə" və "Qarabağ" finalda
-
21:26
"Qarabağ" - "Neftçi" matçında 5 qol VİDEO
-
20:11
Sxadadze: “Zirə” həm yaxşı oynadı, həm də xarakter göstərdi”
-
19:23
"Zirə"ni finala yüksəldən qələbə VİDEO
-
18:57
Rəşad Sadıqovdan qələbə şərhi VİDEO
-
17:05
Azərbaycan avarçəkəni Türkiyədə iki medal qazanıb
-
16:48
Region Liqası: Finalın yeri və başlama saatı müəyyənləşib
-
16:12
“Qəbələ” - “Zirə”: Heyətlər açıqlandı
-
15:24
Zubir Liqa 1 klubunun hədəfində
-
15:09
Naxçıvan Futbol Federasiyasının sabiq baş katibi vəfat edib
-
14:56
“ETOPAZ”ın baş sponsorluğu ilə “Fire League”da növbəti tur başa çatıb FOTOLENT
-
14:30
“Zirə”nin kapitanı: “Məqsədimiz finala çıxmaqdır”
-
14:03
"Səbail" məşqlərini davam etdirir FOTOLENT
-
13:41
Azərbaycan avarçəkənləri Avropa Olimpiya Təsnifat Reqatasında iştirak edəcəklər
-
13:27
Azərbaycanın stolüstü tennisçisi Belçikada bürünc medal qazanıb
-
12:55
Azərbaycan çempionatında ikinci finalçı müəyyənləşib
-
12:34
"Yurqorden" rəsmisi Musa Qurbanlının gedişini istisna etmədi
-
12:19
"Neftçi" "Qarabağ" önünə iki itki ilə çıxacaq