Millinin məşqində insident

DÇ-2014-ün seçmə mərhələsi çərçivəsində martın 22-də Lüksemburq şəhərində Lüksemburq, martın 26-da isə Bakıda Portuqaliya yığması ilə qarşılaşacaq Azərbaycan milli komandasının martın 13-dən etibarən Bakı şəhərində təlim-məşq toplanışı başlayacaq. Bu dəqiqələrdə isə millimiz Lüksemburqla oyunöncəsi Bakıda son məşqini keçir. Futbolxeber.az-ın Azərbaycan Dövlət Bədən Tərbiyəsi və İdman Akademiyasının stadionunda olan əməkdaşının verdiyi məlumata görə, hazırlıq prosesinin gedişatında insident yaşanıb. Belə ki, AFFA-nın əməkdaşlarından bir xanım hazırlıq prosesini kənardan izləyən jurnalistlərdən stadionu tərk etməyi tələb edib. Jurnalistlər isə bununla razılaşmadıqlarından mübahisə düşüb. Yekunda adını dəqiqləşdirə bilmədiyimiz həmin AFFA əməkdaşı jurnalistləri arenadan çıxamraq üçün mühafizəçiləri çağıracağını bildirib. 

Qeyd edək ki, martın 12-də AFFA-nın saytında yer alan xəbərdə elan olunmuşdu ki, millimizin bütün məşqləri mətbuat üçün açıq olacaq.

http://affa.az/index.php?r=1&id=16582&lang=az 

***

Problem artıq yoluna qoyulub. jurnalistlər məşqi tribunadan izləyirlər.