29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Derlis Meza Kolli: “Qarabağ” kimi komandadan səfərdə xal almaq da uğur sayılmalıdı”

“İnter”in üzvü Derlis Meza Kolli Futbolxeber.az saytına müsahibə verib.

- Premyer Liqanın 27-ci turu çərçivəsində “Qarabağ”la qolsuz bərabərliyə razılaşdınız. Oyunla bağlı nə deyə bilərsən?

- Bilirdik ki, çətin oyun olacaq. “Qarabağ” ötən il çempion olub, hazırda isə turnir cədvəlinə başçılıq edir. Üstəlik, heyətlərində keyfiyyətli futbolçular çoxdu. Onlardan 9 xal geri qalırdıq. Istəyirdik ki, qələbə qazanaq və bu fərqi 6-ya endirək. Ancaq nəticə ortadadı, komandalar hərəyə 1 xalla kifayətləndi.

- “İnter” əsas rəqibini niyə məğlub edə bilmədi?

- Bu cür oyunların taleyini adətən 1 qol həll edir. Hansı tərəf fərqlənsəydi, 3 xalı da o qazanacaqdı. Bizim imkanlarımız oldu, təəssüf ki, istifadə edə bilmədik. “Qarabağ” kimi komanda ilə onun meydanında heç-heçə etmək, xal almaq da uğur sayılmalıdı.

- Bu oyuna bir növ çempionluğun müqəddəratını həll edən matç kimi də baxılırdı. Demək olarmı, “İnter” üçün zirvəyə yaxınlaşmaq bundan sonra mümkün olmayacaq?

- Qarşıda 8 oyunumuz var. Bütün komandalar bu sayda oyun keçirəcək. Bizim məqsədimiz 100 fazilik nəticə qazanmaqdı. Hər birimiz nə etməli olduğumuzu bilirik. İndidən “ağ bayraq” qaldırmaq niyyətimiz yoxdu. Mübarizəni sona qədər davam etdirəcəyik.

- “İnter” hələ də çempionluğa ümid edir?

- Biz qızıl medallar uğrunda mübarizə aparırıq. Mövsümün əvvəlində komandanın qarşısına çempion olmaq tapşırığı qoyulub. Yenə deyirəm, sona qədər iddiamızın arxasınca gedəcəyik.

- Sizin mübarizə aparmağınız yetərli olacaqmı?

- Başa düşürəm, sadəcə bizim qələbələrimiz çempionluq üçün yetərli deyil. “Qarabağ”ın nəticələrindən də çox şey asılıdı. Öz oyunumuzu oynamaqla yanaşı, qulağımız rəqibin matçlarında olacaq. Ümid edirik ki, onlar xal itirəcəklər. “Qarabağ”ın 8 oyunu qalıb və onların bütün qarşılaşmalarını qələbə ilə başa vuracaqlarına inanmıram. Yəni, xal itirmək ehtimalları var.

- “Xəzər Lənkəran”la oyun üçün motivasiyanız olacaqmı?

- Növbəti turda onlarla qarşılaşacağıq. Motivasiyamız qələbə qazanmaq olacaq. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31