AFFA prezidenti: “Bakı”nın gələcəyi qeyri-müəyyəndir”

AFFA prezidenti Rövnəq Abdullayev hazırda ciddi maliyyə problemləri yaşayan “Bakı” klubu haqda danışıb. Futbolxeber.az-ın məlumatına görə, jurnalistlərlə görüşün AFFA rəhbəri “zolaqlılar”ın gələcəyinin taleyinin qeyri-müəyyən olduğunu bildirib: “Bakı” klubunun sahibinin hazırda problemləri var. Əvvəl imkanı var idi, klub üçün əlindən gələni edirdi. İndi isə müəyyən problemlər yaşayır. Bunu da normal qarşılaşamaq lazımdı. Hər insanın çətinlikləri ola bilər. Amma AFFA bütün klublara kömək edə bilməz. Hazırda banklar sağ olsunlar ki, təminat verdiklərindən “Bakı”nın futbolçularının məvacibləri ödənilir. Lakin klubun gələcəyinin necə olacağı bilinmir. Yəqin ki, klubun sahibinin vəziyyəti düzəlsə, hər şey yaxşı olacaq. Düzəlməsə...Biz də istəmərik “Bakı” dağılsın. Çünki o cür gözəl bazaları var. Belə vəziyyətlərin yaşanmaması üçün klublar 1 nəfərdən asılı olmamalıdır”.