Elxan Məmmədov: “Onu niyə də milliyə dəvət etməyək?”

“Malta ilə oyun çətin alındı. Robert Prosineçkinin millimizdəki ilk oyunu idi. Bu məqam komandanın işini daha da çətinləşdirirdi”. Futbolxeber.az-ın məlumatına görə, bu sözləri Malta ilə oyun haqda danışarkən AFFA-nın baş katibi Elxan Məmmədov deyib.

E.Məmmədov futbolçuların Malta üzərində qələbəyə görə mükafat alacaqlarını qeyd edib: “Millinin formasını geyən futbolçulara maaş vermirik. Onlar yalnız klublarında məvacib alırlar. Maliyyə baxımından motivasiya mütləqdi. Malta üzərində qələbəyə görə futbolçular mükafat olacaqlar. Məbləği dəqiq deyə bilmərəm. Ola bilər az olsun, ya da çox. Amma mükafat olacaq”.

Elxan Məmmədov Eddi İsrafilov barədə də fikirlərini açıqlayıb: “La Liqada oynayan futbolçunu niyə də milliyə dəvət etməyək? Maltaya qarşı az oynadı. Bu, baş məşqçinin qərarı idi”.