3 Iyun 2020, Çərşənbə
Nə oldu, “Neftçi” dağıldı?
"Sabah"dan alqışlanası addım
I divizionun taleyi necə olacaq?
Krivotsyuk daha 1 il “Neftçi”də

Ölkə futbolu

Flavinyo: “Qarşıda “Qarabağ”ın uğursuz oyunları da olacaq”

“Neftçi”nin kapitanı Flavinyo Futbolxeber.az saytına müsahibə verib.

- “Qəbələ” ilə cari mövsümdə “Neftçi”nin hər iki oyunu qolsuz heç-heçə ilə tamamlanmışdı. Amma bu dəfə matçda 4 qol vuruldu. Yüksək məhsuldarlığın səbəbini nədə görürsən?

- “Qəbələ” əvvəlki oyunlarla müqayisədə çox dəyişib. Əvvəl onlar daha çox müdafiədən oynayırdılar. Bu dəfə isə nisbətən açıq futbol sərgilədilər. Düzdür, 5 yarımmüdafiəçi ilə oynayırdılar, amma yenə də hücuma daha çox meyl edirdilər. Bunun da nəticəsində oyun daha maraqlı alındı və 4 qol vuruldu.

- Növbəti turda son çempion və hazırki lider “Qarabağ”la qarşılaşacaqsınız. “Neftçi” ardıcıl üçüncü qələbəsini qazana biləcək?

- “Qarabağ”dan hazırda 10 xal geri qalırıq. İstəmirəm ki, komandamızın üzərində təzyiq olsun. Reallığı qəbul etmək lazımdır, 10 xal həddindən artıq böyük fərqdi. Amma biz qalib gəlməliyik ki, çempionat daha da maraqlı keçsin. İnanmıram ki, “Qarabağ” ardıcıl 3-4 oyun uduzsun.

- Belə çıxır ki, “Qarabağ”ı artıq çempion qismində görürsən?

- Yox. Bizimlə müqayisədə “İnter” “Qarabağ”a daha yaxındı. Əslində, bizim də şansımız var idi. Lakin düşünürəm ki, “Neftçi” üçün AZAL-la oyun çempionluq baxımından həlledici idi. Amma biz həmin oyunda uduzmaqla şansımızı böyük ölçüdə itirdik. Biz 2 oyundan 1 xal yığdığımız halda, Ağdam klubu qələbələri sıralayır. Odur ki, hazırda çempionluğu yox, özümüzü düşünməliyik.

- Amma qarşıdakı turda “Neftçi” “Qarabağ”a qalib gəlsə, yenidən çempionluq mübarizəsinə qoşula bilər.

- Onlar da mübarizə aparacaqlar, biz də. Onlar da səhv edə bilər, biz də. Həqiqətən də xal fərqini azalda bilərik. 10 xalla çempionluğa inanmaq çətindi. Çempionluq haqda düşünmək üçün ilk növbədə onları məğlub etməliyik.

- Səncə, çempionluğa kim layiqdi?

- “Neftçi”də oynaya-oynaya mən başqasını adını deyə bilmərəm. Yalnız onu deyim ki, “Qarabağ”ın da, “İnter”in də, bizim də şansımız var. Sona kimi mübarizə aparacağıq. Qarşıda “Qarabağ”ın uğursuz oyunları da olacaq.

- Çoxları Premyer Liqanın səviyyəsinin düşdüyünü bildirir. Razısan bu fikirlə?

- Əsas problem odur ki, “Araz Naxçıvan” çempionatı yarımçıq tərk etdi. Buna kimi çempionat 10 komanda mübarizə aparırdı. Belə baxanda, 10 da azdır, sonradan isə qaldı cəmi 9 komanda. Eşitdiyimə görə, növbəti mövsümdən komandaların sayı artacaq. Məncə də belə olmalıdır. Çünki Azərbaycanda yaxşı gənclər var. Onlar da oynamalıdırlar. Bunun üçün komandaların sayı artmalıdır. İndi eyni komanda ilə mövsüm ərzində 4 dəfə qarşılaşırsan. Kubokda da üz-üzə gəlsən, olur 6. Bu isə həddindən artıq çoxdur. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2020
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30