29-cu turun rəmzi komandası

Premyer Liqada 29-cu turun rəmzi komandası müəyyənləşib. Futbolxeber.az-ın məlumatına görə, Instat Football şirkətinin Peşəkar Futbol Liqasına təqdim etdiyi analitik məlumatlara əsasən Premyer Liqanda ötən turun rəmzi komandasını aşağıdakı futbolçular təşkil edib.

Qapıçı: Saşa Stamenkoviç (Neftçi)

Müdafiəçilər: İlia Kandelaki (İnter); Alvaro Silva (Xəzər Lənkəran); Elvin Yunuszadə (Neftçi); Ruslan Əmircanov, (İnter)

Yarımmüdafiəçilər: Ruslan Qurbanov (Sumqayıt); Taner Taktak (Sumqayıt); Nicat Qurbanov (Simurq); Taqim Novruzov (AZAL)

Hücumçular: Can Akgün (Sumqayıt); Junior Nildo (AZAL)

Turun ən yaxşı oyunçusu isə “Sumqayıt” klubunun hücumçusu Ruslan Qurbanov olub.

Ötürmələrdə ən dəqiq olan isə Tovuzun “Turan” komandası olub. Əyalət təmsilçisinin oyunboyu ötürmələrindəki dəqiqlik 85% təşkil edib.

Gəncənin “Kəpəz” klubunun futbolçuları isə hamıdan çox – 6 dəfə oyundan kənar vəziyyətə düşüb.

Ən çox top itkisinə yol verən komanda Ağdamın “Qarabağ” klubu, ən çox top ələ keçirən komanda isə “Xəzər Lənkəran” olub.

Müdafiədə ən uğurlu oyunu Bakının “Neftçi” klubu göstərib.

“Qəbələ” klubu turun ən çox qayda pozuntusuna yol verən komandasıdır.

Rəqib qapısına topla ən çox zərbə endirən futbolçu “Xəzər Lənkəran”ın hücumçusu Ağabala Ramazanovdur.

Ötürmələrdə isə “Turan”dan Dmitri Pospelov və “Rəvan”dan Şəhriyar Rəhimov yüksək göstərici – hər biri 90% dəqiqlik göstərib.

Hava mübarizələrində “Xəzər Lənkəran”ın müdafiəçisi Alvaro Silva hamıdan üstün olub. İspaniyalı müdafiəçi hava mübarizələrinin 80%-də rəqiblərini üstələyib.

Alvaro Silvanın komanda yoldaşı Sadio Tounkara isə ən çox driblinq edən futbolçudur.

29-cu turun statistikası