Muarem son nöqtəni qoydu: “Maya kimi “Qarabağ”dayam”

"Çətin oyun oldu. Məşqlərə təzə başlamışıq. Buna görə də matçlara hazır deyilik. Ancaq çempionat başlayana kimi tam hazır olacağıq". Futbolxeber.az-ın məlumatına görə, bu sözləri "Qarabağ"ın futbolçusu Muarem Muarem Xorvatiyanın "Split" klubuna 1:3 hesabı ilə uduzduları yoxlama görüşündən sonra deyib.

Makedoniyalı oyunçu Türkiyə superliqa təmsilçisi "Eskişehispor"a keçidinin alınmamasına üzülmədiyini bildirib: "Baş məşqçim Qurban Qurbanovla bu barədə danışmışam. Hər iki tərəf razılığa gəldiyi zaman bu transfer baş tutacaq. "Eskişehirspor" "Qarabağ"ın  istədiyi məbləği verə bilmədiyinə görə kluba keçidim alınmadı. Burada qaldığım üçün çox xoşbəxtəm. Transfer məsələsinin alınmamağına üzülmürəm.  Artıq baş məşqçimlə danışmışam, may ayına kimi burdayam. Hələlik getmək ehtimalım yoxdur. Təbii ki futbolçu karyeram ərzində böyük klublarda oynamaq istəyirəm. Amma "Qarabağ" onlardan daha böyük klubdur" (Qol.az).