Ölkə futbolu
2014-cü ildə Azərbaycan futbolunda seçilənlər
2014-cü ilin bitməsinə sayılı günlər qalıb. Bir neçə gündən sonra “at”ı “qoç” əvəz edəcək. Başa çatmaqda olan ili Azərbaycan futbolu üçün tam olmasa da, uğurlu hesab etmək olar. Çünki tarixdə ikinci dəfə təmsilçimiz Avroliqanın qrup mərhələsinə vəsiqə qazandı. Üstəlik, bu il Azərbaycan Avro-2020-yə ev sahibliyi etmək hüququna sahib çıxdı. Başa çatmaqda olan 2014-cü ilə nəzər salmağın vaxtıdır.
İLİN KOMANDASI - “QARABAĞ”
2014-ü Ağdam klubunun tarixində ən uğurlu il hesab etmək olar. Komanda ilk öncə uzun illərdən sonra yenidən Azərbaycan çempionu adını qazandı. Daha sonra isə son illər üzləşdiyi pley-off sindromuna son qoyan “Qarabağ” nəhayət, Avroliqanın qrup mərhələsinə vəsiqə qazandı. “Qarabağ”a qədər “Neftçi” də bu mərhələdə iştirak etmişdi. Amma etiraf edək ki, Ağdam təmsilçisi “flaqman”dan fərqli olaraq, daha inamlı təsir bağışladı. Püşkatmadan sonra çoxları “Qarabağ”ın qrupda heç üçüncü yer uğrunda mübarizə apara bilməyəcəyini proqnozlaşdırsalar da, komanda sona kimi qrupdan çıxmaq şansını özündə saxladı. Hətta layiq olduğu halda, Avroliqanın 1/16 finalına da yüksəldi. Amma... Sonrasını hamımız bilirik. “Qarabağ” həm də Avroliqanın qrup mərhələsində qələbə qazanan ilk Azərbaycan klubu kimi tarixə düşdü.
İLİN MƏŞQÇİSİ - QURBAN QURBANOV
İlin komandasının “Qarabağ” olması necə şübhə doğurmursa, məşqçi məsələsində də vəziyyət eynidir. Hər kəsə bəllidir ki, “Qarabağ”ın qazandığı uğurlarda ən böyük pay sahibi məhz Qurban Qurbanovdur. Təcrübəli mütəxəssis Ağdam klubunu çempionluğa daşıdıqdan sonra Avrokuboklarda da tarix yazdı.
İLİN FUTBOLÇUSU - QARA QARAYEV
İlin komandasını, məşqçisini seçmək asan olsa da, eyni sözləri ilin futbolçusu haqda demək mümkün deyil. İlin ən yaxşısı kimi komandanın kapitanı Rəşad Sadıqovu göstərmək olardı. Amma təcrübəli futbolçunun müəyyən vaxtlarda zədəli olması, mövsüm boyu tez-tez oyun buraxması onun ilin futbolçusu seçilməsinə mane olur. Rəşad Sadıqov özü də mətbuata açıqlamasında ilin ən yaxşı futbolçusu adına komanda yoldaşları - Qara Qarayev və ya Bədavi Hüseynovun daha layiq olduğunu qeyd edib. Mövsüm boyu stabil çıxışı nəzərə alaraq, Qara Qarayevi ilin ən yaxşısı hesab etmək mümkündür.
İLİN LEGİONERİ - REYNALDO SİLVA
İlin ən yaxşı legionerini də seçmək asan deyil. Bu ada 2 layiqli namizəd var - Reynaldo Silva və Riçard Almeyda? Həqiqətən də hər iki futbolçu qalib olmağa layiqdir. “Qarabağ”ın qazandığı uğurlarda həm Reynaldonun, həm də Riçard Almeydanın böyük rolu var. Amma fakt budur ki, daim hücumçular, qol vuran futbolçular, məhsuldar ötürmə müəlliflərindən daha üstün hesab olunurlar. Həm Premyer Liqanın 2013/14-cü illər mövsümünün bombardiri olması, həm də Avroliqada vurduğu qollar Reynaldonu Riçard Almeydadan az da olsa üstün edir.
İLİN HADİSƏSİ - AVRO-2020-NİN 4 OYUNUNUN BAKİYA VERİLMƏSİ
“Qarabağ”ın Avroliqanın qrup mərhələsinə yüksəlməsi, orada layiqli mübarizə aparması təqdirəlayiq hal olsa da, Azərbaycan futbolu üçün ilin ən yaddaqalan və mühüm hadisəsi Avro-2020-nin oyunlarının Bakıya verilməsidir. UEFA-nın qəbul etdiyi qərara əsasən, 6 ildən sonra keçiriləcək qitə birinciliyinin 4 oyunu Bakıda təşkil olunacaq. Bu matçlardan 3-ü qrup, 1-i isə 1/4 final mərhələsinin oyunlarıdır. Bakının Avro-2020-yə ev sahibliyi edəcəyi gözlənilən olsa da, paytaxtımıza qrup oyunları ilə yanaşı 1/4 matçının verilməsi bir qədər sürpriz oldu. Çünki əksəriyyət 1/8 qarşılaşmasına ümid edirdi.
İLİN FUTBOL ADAMI - RÖVNƏQ ABDULLAYEV
Bakının Avro-2020-yə ev sahibliyi etməsi ilin futbol hadisəsidirsə, AFFA prezidenti Rövnəq Abdullayev də ilin futbol adamı olmalıdır. Düzdür, bu uğurda baş katib Elxan Məmmədovun da böyük rolu var. Amma reallıq budur ki, qurumun rəhbəri Rövnəq Abdullayevdir. Deməli ilin futbol adamı da məhz o, seçilməlidir.
İLİN İTKİSİ - ƏLƏKBƏR MƏMMMƏDOV
2014-cü il Azərbaycan futbolunda böyük itki ilə yadda qaldı. Veteran futbolçu, AFFA İcraiyyə Komitəsinin üzvü Ələkbər Məmmədov iyulun 28-də dünyasını dəyişdi. Ən pisi isə o idi ki, Məmmədovun cəsədi 3 gün evində qaldı və bundan heç kimin xəbəri olmadı. Məmmədov daim “Milan”a 1 oyunda 4 qol vurması ilə xatırlanacaq.
İLİN “İTKİSİ” - BERTİ FOQTS
2014-cü ildə Azərbaycan futbolu həm də Berti Foqtsu “itirdi”. Amma Ələkbər Məmmədovdan fərqli olaraq, Berti Foqtsun “itkisi”nə üzülənlərin sayı sevinənlərdən qat-qat az idi. Çünki alman son illər yığma komandamızı yarıtmaz hala salmışdı. Yığma ötən mərhələdə rekord xal yığmasına baxmayaraq, komanda oyun sərgiləyə bilmədi. Avro-2016-nın seçmə mərhələsində qarşısına qrupdan çıxmaq (ən azı üçüncü yeri tutmaq - İ.) tapşırığı qoyulan Foqts, işinin alınmadığını görüncə dərhal aradan çıxdı.
İLİN İSTEFASI - BÖYÜKAĞA HACIYEV
Böyükağa Hacıyevin “Neftçi”dən budəfəki gedişi gözlənilməz oldu. Ötən mövsümün ortasında komandaya qayıdan Hacıyev, “ağ-qaralar”a həm ölkə kubokunu qazandırdı, həm də gümüş medalları. Avroliqada komanda mübarizəyə ikinci təsnifat mərhələsindən başladı. İlk oyunda Bakıda “Koper”ə 1:2 hesablı məğlubiyyətdən sonra Hacıyevə qarşı tənqidlər və təzyiqlər başladlı. Amma Hacıyevin komandası nəinki “Koper”i mübarizədən kənarlaşdırdı, hətta pley-offa kimi irəlilədi. Burada isə bəxtsizlik “Partizan”ı keçməyə əngəl yaratdı. Çempionatda yarımcan heyətlə “Araz Naxçıvan”a uduzduqdan sonra, “Neftçi” ardıcıl iki qələbə qazandı. Belədə, Hacıyevin istefasının gözlənilməzlikdən başqa adı yoxdur. Azərbaycan futbolu bu qədər inkişaf edib ki, Avroliqada komandanı pley-offa çıxaran məşqçini işindən göndərirlər?
İLİN BİABIRÇILIĞI - “ARAZ NAXÇIVAN”IN ÇEMPİONATDAN İMTİNASI
Ötən mövsüm birinci divizionda qalib olan “Araz Naxçıvan” Premyer Liqaya vəsiqə qazandı. Naxçıvan təmsilçisinin yüksək liqada mübarizə aparması təqdirəlayiq hal idi. Ən azından futbolun kütləviləşməsi baxımından. Komandanın ilk turda “Neftçi”ni darmadağın etməsi də “Araz Naxçıvan”ın çempionata rəng qatacağının göstəricisi idi. Lakin növbəti turlarda Naxçıvan təmsilçisi ümidləri doğrultmadı. Komandanın ard-arda aldığı məğlubiyyətlər klub rəhbərliyinin səbrini daşırdı və 10-cu turda “Qarabağ”a qarşı baş tutan oyundan sonra Naxçıvan təmsilçisi çempionatda mübarizəni davam etdirməkdən imtina etdi. PFL rəhbərliyi Naxçıvan təmsilçisini fikrindən daşındırmaq üçün çox çalışsa da, xeyri olmadı. Bunu ilin biabırçılığı hesab etmək lazımdır. Hər kəs ölkə futbolunun, Premyer Liqanın günü-gündən inkişaf etdiyini iddia etdiyi bir vaxtda belə bir biabırçılığın yaşanması futbolumuza zərbədir.
İLİN MÜƏMMASI - ÖLKƏ SUPERKUBOKU UĞRUNDA OYUN
Ötən il Naxçıvanda baş tutan Superkubok oyunu ilə PFL bu ənənəni yenidən bərpa etmiş oldu. Təəssüf ki, geridə qalan müddətdə hələ ki, PFL yenidən Superkubok oyununu təşkil edə bilmir. 2013/14-cü illər mövsümü çoxdan yekunlaşsa da, çempion “Qarabağ”la kubokun qalibi “Neftçi” heç cüz üz-üzə gələ bilmirlər. Əvvəlcə görüşün avqustda Qəbələdə baş tutacağı bəyan olundu. Sonradan oyun təxirə salındı. Daha sonra məlum oldu ki, PFL Superkubok oyununu yanvarda Antalyada keçirəcək. Amma bu istək də baş tutmadı. Nə qədər qəribə olsa da, həlledici görüşün nə vaxt keçiriləcəyi hələ də bilinmir.
İLİN ÜMİDİ - ROBERT PROSİNEÇKİ
Berti Foqtsun gedişindən sonra yığma komandamız Robert Prosineçkiyə tapşırıldı. Ona ümidlər böyükdür. Ən azından gəldiyi ilk gündən işinə ciddi yanaşması, mütəmadi olaraq Premyer Liqa matçlarına, eləcə də aşağı yaş qrupları üzrə keçirilən çempionat oyunlarına baxması, vaxtının böyük hissəsini Azərbaycanda keçirməsi, ailəsini yanına gətirməsi – bütün bunlar həm Prosineçkinin Azərbaycana pul iyinə gəlmədiyini göstərir. Bir sözlə, xorvat mütəxəssisə ümidlər böyükdür. İnanaq ki, Foqtsun bərbad hala saldığı yomandanı Prosineçki “ağ gün”ə çıxaracaq.
İLİN KƏŞFİ - NURLAN NOVRUZOV
“Bakı”nın gənc hücumçusu Nurlan Novruzov buna kimi də tanınırdı. Amma cari mövsüm onun üçün olduqca uğurlu alınır. 2014/15-ci illər mövsümündə ilk 2 dövrədən sonra Novruzov vurduğu 9 qolla Premyer Liqanın bombardiridir. Komandasının rəqib qapılarından keçirdiyi 13 qoldan 9-unu məhz Nurlanın vurması “Bakı” üçün necə önəmli futbolçu olduğunu göstərir.
İLİN KAPRİZİ - MUSTAFA DƏNİZLİ
“Xəzər Lənkəran”a gəlişindən sonra istənilən nəticə əldə edilmədiyini görən klub rəhbərliyi Mustafa Dənizli ilə yollarını ayırmaq qərarına gəldi. Əvvəlcə türk mütəxəssis istefanı verdiyini açıqlasa da, sonradan əməlli-başlı dirəniş göstərməyə başladı. Bir neçə gün davam edən kaprizdən sonra nəhayət, Lənkəran klub istəyinə çatdı və Dənizlidən canını qurtara bildi. Amma bu onlara böyük məbləğdə kompensasiya hesabına başa gəldi.
İLİN MƏYUSLUĞU - YIĞMA KOMANDA
Klub səviyyəsində 2014-cü il Azərbaycan futbolu üçün uğurlu olsa da, təəssüf ki, eyni sözləri yığma komandamız haqda deyə bilməyəcəyik. Yığma Avro-2016-nın seçirdiyi 4 görüşdə xala həsrtə qalmaqla, Avropada ən pis nəticə göstərən 3 komandadan biridir. Avro-2016-dakı uğursuzluq komandamızın FİFA reytinqindəki mövqeyinə də təsir göstərdi. Belə ki, ili 135-ci yerdə başa vurmaqla yığma sıralamada Lixtenşteyn, Filippin, Aruba, Lüksemburq, Burundi kimi ölkələrdən geri qaldı.
İLİN HAQSIZLIĞI - “QARABAĞ”IN QƏLƏBƏSİNİN ƏLİNDƏN ALINMASI
Dekabrın 11-də keçirilən Avroliqanın qrup mərhələsinin son turu çərçivəsində keçirilən “Qarabağ” – “İnter” oyununda baş verən hakim ədalətsizliyini bütün dünya gördü. Çex hakim Miroslav Zelinkanın ədalətsiz qərarı “Qarabağ”ın halal qələbəsini əlindən aldı, Azərbaycan futbolu tarixində ən yeni tarix yazılmasını əngəllədi, milyonlarla azərbaycanlının sevincini gözündə qoydu. Amma “Qarabağ” qalibdir, könüllərin qalibi. Çünki bütün dünya Ağdam təmsilçisinin layiq olduğu qolu vurduğunun şahidi oldu. Amma hakimlərin ədalətsizliyi hər şeyi korladı.
"Het-trik news” qəzeti
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Asif Məmmədov: “Kimsə bunu sübut etsə, üzr istəməyə hazıram”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Minifutbol millimizin heyəti narazılıqla qarşılandı, baş məşqçi danışmaq istəmədi
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- ETOPAZ: Məsləhət bizim, qazanc sizin
-
17:52
"Sumqayıt" - "Qarabağ" oyununa nə qədər bilet satılıb?
-
17:04
Yarımfinal oyunlarına təyinatlar açıqlandı
-
16:45
Kadi: “Mən həmişə hazıram”
-
16:17
Azərbaycanın U-17 millisi Belarusda turnirə qatılacaq
-
15:36
“Neftçi”nin legioneri: “Fürsət düşsə, Rumıniyaya qayıdardım”
-
14:53
Millimizin rəqibi Baltik kubokunda yarışacaq
-
14:21
Valdemar Almeyda: “İlk üçlükdə olmaq üçün bütün oyunlarda qalib gəlməliyik”
-
14:08
“Prezident Kuboku-2024” beynəlxalq reqatasında 20-dən çox ölkə mübarizə aparacaq
-
13:49
"Olimpiadada Azərbaycanı layiqincə təmsil edəcəyimə inanıram"
-
13:34
AGF Baham adaları Gimnastika Federasiyası ilə Anlaşma Memorandumu imzalayıb
-
13:12
Kişi şahmatçılar arasında Azərbaycan çempionatında ilk finalçı müəyyənləşib
-
12:55
"Qarabağ"ın uğurlarına sevinirəm, amma "Neftçi" mənə daha əzizdir" VİDEO
-
12:27
Bakıda UEFA fitnes məşqçilik kursunun I modulu başlayıb
-
12:06
Şeydayevin qaçırdığı qol şansları... VİDEO
-
11:43
Milli komandamızın yeni baş məşqçisi müəyyənləşib: Mayın əvvəli Bakıya gəlir
-
11:18
"Azərbaycan voleybol tarixində belə finala şahidlik etməmişdik"
-
10:50
"Final görüşünün əhəmiyyətini başa düşürdük"
-
10:39
Avropa çempionatı: Ülviyyə Fətəliyevadan maksimum nəticə
-
10:24
"Fənərbaxça" çempionluq yolunda ağır zərbə aldı VİDEO
-
10:12
Masaki Murata: “Bu tip insanlar həmişə problem axtarır”
-
09:57
Milan derbisində 3 qol, 3 qırmızı vərəqə VİDEO
-
09:41
Azərbaycanın 3 boksçusu növbəti mərhələdə
-
09:28
"Roma" öz meydanında "Bolonya"ya uduzdu VİDEO
-
00:10
Diniyev - Şeydayev mübarizəsində kim sevindi?
-
20:38
“Neftçi” rəhbərliyi I Liqa klubunun prezidenti ilə görüşdü
-
19:21
Azərbaycan çempionu məlum oldu
-
19:00
“Araz-Naxçıvan”ın yarımmüdafiəçisi: “Pul alırıqsa, haqqını verməliyik”
-
18:17
Azərbaycan qılıncoynadanları dünya birinciliyində çıxışlarını başa vurublar
-
17:55
Boksçumuz ermənini məğlub etdi
-
17:24
II Liqada oyunların vaxtı məlum oldu
-
17:03
“Sumqayıt” - “Qarabağ” oyununun biletləri satışda
-
16:48
"Cəbrayıl" - "Bakı Sportinq" matçında tək qol VİDEO
-
16:32
“Neftçi” “Yaşıl Gələcək” layihəsinə 1000 ağac ianə edib
-
16:19
“Kür” liderlə xal fərqini minimuma endirib
-
15:56
I Liqada 24-cü turun oyun cədvəli
-
15:41
“Bakı Sportinq”dən çempionluq yolunda vacib qələbə
-
14:27
Azərbaycan Kuboku: 1/2 finalın cavab oyunlarının saatı bilindi
-
14:03
Azərbaycan Basketbol Liqası: Son turunun proqramı müəyyənləşib
-
13:34
U-17-nin İnkişaf turniri üçün yekun heyəti açıqlandı
-
13:15
Nicat Abasov İddiaçılar Turnirini qələbəsiz və sonuncu yerdə bitirdi
-
12:58
"Atletiko"dan gözlənilməz məğlubiyyət VİDEO
-
12:40
Anas Najah: “İnsanlar hansı hakim səhvindən danışırlar?”
-
12:26
"Bayer" 90+8-də məğlubiyyətdən qaçdı VİDEO
-
12:19
Azərbaycan Kubokunun yarımfinal görüşlərinin başlama saatları açıqlanıb
-
11:51
Azərbaycanın cüdo millisi Avropa Kubokunda dördüncü olub
-
11:37
Azərbaycan stolüstü tennisçiləri beynəlxalq yarışlara qatılacaqlar
-
11:24
“Yurqorden” rəsmisi Qurbanlının klubdan gedişi barədə: “Ayrılmaq istədiyini deməyib”
-
11:05
"Səbail" və "Zirə"dən yubiley qələbəsi
-
10:53
Ağabala Ramazanov qayıdışından, avrokuboklardan və qızının açdığı pankartdan danışdı
-
10:42
Üzgüçülük üzrə açıq Azərbaycan çempionatı keçiriləcək