“Sumqayıt”ın baş məşqçisi: “Bu qələbə bizim üçün çox vacibdir”

“Sumqayıt”ın baş məşqçisi Aqil Məmmədov “Simurq”u 2:1 hesabı ilə məğlub etdikləri oyun haqda danışıb. Futbolxeber.az-ın məlumatına görə, o qələbə münasibəti ilə azarkeşləri və fanatları təbrik edib: “Simurq” həmişə çətin rəqib olub. Bu komandaya qarşı oynamaq bizim üçün çətindir. “Sumqayıt” komandası Topaz Premyer Liqasında “Simurq” üzərində ilk qələbəsini qazandı. Biz 9 oyundur ki, qələbə əldə etmirdik. Gərginlik vardı. Odur ki, bu qələbə bizim üçün çox vacibdir. Fanatlarımızı və  futbolçularımızı təbrik edirəm”.