Denis Silva: “Bizə qələbə “Qarabağ”dan çox lazım idi”

“Neftçi”nin müdafiəçisi Denis Silva “Qarabağ”a qarşı keçirdikləri oyun haqda danışıb. Braziliyalı müdafiəçi Futbolxeber.az saytına verdiyi açıqlamada qarşılaşma haqda bunları deyib: “Oyun çox çətin alındı. Bizə qələbə rəqibdən çox lazım idi. Təəssüf ki, istəyimizə çata bilmədik. Hakimlik barədə çox danışmaq istəmirəm. Amma ümumi götürdükdə idarəçilik normal idi. Artıq növbəti oyunlar barədə düşünməliyik. Qış fasiləsinə hələ bir neçə tur var. Heç nə bitməyib. Qarşıdakı oyunlarda aradakı xal fərqini azaltmağa çalışacağıq. İndi mövsümün sonu barədə düşünmək düzgün deyil. Hər dəfə növbəti oyun barədə fikirləşmək lazımdı. Çünki hər oyun çətin keçir”.