28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Bakı”nın kapitanı: “Məqsədimiz komandanı irəli pillələrə daşımaqdı” (Müsahibə)

Bakı”nın sloveniyalı futbolçusu Lukas Mario Horvatın müsahibəsi

- Azərbaycan kubokunda “Sumqayıt”ı çətinliklə məğlub edərək, mərhələ adladınız. Matçla bağlı fikirlərinizi bilmək istərdik.

- Ağır oyun oldu. Hava çox soyuq olduğundan, futbolçular meydanda çox güc sərf etdilər. Bununla belə, istəyimizə çatdıq. “Sumqayıt” zəif komanda deyil. Xüsusilə, öz meydanında güclü təsir bağışlayır. Sumqayıtda oynamaq, həqiqətən də, çətindi.

- Kubokun 1/4 final mərhələsində sizi daha çətin sınaq gözləyir. Bu dəfə rəqib “Qarabağ” olacaq...

- “Qarabağ” çox güclü komandadı. Bunu həm ölkə çempionatında, həm də Avroliqadakı oyunu ilə isbatlayır. İşimiz asan olmayacaq.

- Rəqibin heyətində ən çox hansı futbolçudan çəkinirsiz?

- Kimisə fərqləndirmək istəməzdim. “Qarabağ” kollektiv olaraq, güclüdü. Onlar haqda yalnız xoş söz demək olar. “Qarabağ”ın oyununu çox bəyənirəm. Baxımlı futbol nümayiş etdirirlər.

- “Bakı”da 4 legionerdən birisiz. Gənc, yerli oyunçularla birgə çıxış etmək çətin deyil ki?

- Əlimizdən gələni etməyə çalışırıq. Bəli, asan deyil. Amma məsələyə real yanaşmaq lazımdı. Hazırkı “Bakı” yeni komandadı. Klubun əsasını gənclər təşkil edirlər. Buna görə də vaxta ehtiyacımız var. Müəyyən zaman keçəndən sonra bu futbolçularla nəsə etmək olar.

- Bu heyətlə “Bakı” autsayderlikdən canını qurtara biləcəkmi?

- Biz də buna çalışırıq. Məqsədimiz “Bakı”nı irəli pillələrə daşımaqdı.

- “Bakı” ilə may ayına qədər müqaviləniz var. Adətən müqavilənin sonuna 6 ay qalmış digər klublardan daha çox təklif gəlməyə başlayır...

- Qeyd etdiyiniz kimi, müqaviləmin sonuna yarım il qalıb. Bir neçə təklif var. Amma klubların adlarını açıqlamaq istəmirəm. Baxacam. Qərarı götür-qoy etdikdən sonra verəcəm.

- Azərbaycan çempionatı haqda hansı fikirdəsiz? Azərbaycan Premyer Liqasında oynamaq asandı, ya çətin?

- Məncə, bu mövsümlə müqayisədə, ötən mövsüm daha gərgin keçirdi. Həm də mübarizə aparmaq çətin idi.

 

 


apasport.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31