“Neftçi” “Qarabağ”la oyuna ciddi itkilərlə çıxacaq

Premyer Liqanın 15-ci turu çərçivəsində “Qarabağ”ın qonağı olacaq “Neftçi” qarşıdakı oyuna ciddi itkilərlə çıxacaq. Futbolxeber.az-ın məlumatına görə, “ağ-qaralar”ın aparıcı müdafiəçiləri Ağdam klubu ilə oyunu buraxacaqlar. Elvin Yunuszadə “Qəbələ” ilə matçda mövsümdə dördüncü sarı vərəqəsini aldığına görə meydana çıxa bilməyəcək. Elnur Allahverdiyev isə “Xəzər Lənkəran”la oyundan sonra 6 oyunluq cəzalı olduğu üçün “Qarabağ”a qarşı oynamayacaq.