Qurbanov “İnter”lə oyundan danışdı: “Bir şeyi başa düşmək lazımdır ki...”

“Qarabağ”ın baş məşqçisi Qurban Qurbanov Avroliqanın son turunda “İnter”ə qarşı keçirəcəkləri oyun haqda danışıb. Futbolxeber.az-ın məlumatına görə, Qurbanov indidən qrupdan çıxmaq haqda düşünmədiklərini bildirib: “Bir şeyi başa düşmək lazımdır ki, çox güclü komandaya qartşı oynayacağıq. Öz azarkeşlərimiz önündə oynayırıq və onlardan dəstək gözləyirik. Lakin qarşımıza tam məqsəd qoysaq ki, mütləq qrupdan çıxmalıyıq, bu bizə mane ola bilər. Vaxtı gələndə “İnter”lə matç barədə də düşünəcəyik. Əlimizdən gələni edəcəyik ki, uğur qazanaq”.

“Qarabağ”ın çalışdırıcısı “Reynaldo “İnter”ə qarşı oynaya bilərmi” sualını belə cavablandırıb: “Çətin. Yəqin ki, oynamayacaq” (ANS).