Stamenkoviç: “Neftçi” böhranda deyil”

"Xəzər Lənkəran”la oyunda çox güc itirmişdik. Ona görə də “Qəbələ”yə qarşı yaxşı oyun sərgiləyə bilmədik”. Futbolxeber.az saytına verdiyi açıqlamada bu sözləri “Neftçi”nin qapıçısı Saşa Stamenkoviç deyib.

“Qəbələ” ilə oyun haqda danışan serb qolkiper, nəticənin ədalətli olduğunu bildirib: “Oyun ərzində çox qol epizodu olmadı. Elə oyun idi ki, “Qəbələ” də qalib gələ bilərdi, biz də. Sona yaxın şansımız oldu. Həmin epizodda fərqlənsəydik, qalib gələcəkdik. Məncə, heç-heçə ədalətli nəticədir”.

Stamenkoviç özünü matçın qəhrəmanı hesab etmir: “Tezliklə toparlanmalıyıq. Son turlar xeyli xal itkisinə yol vermişik. Amma “Neftçi”də oyun baxımından böhran olduğunu söyləmək düzgün deyil. O ki qaldı vacib qurtarışlarıma, bunda qeyri-adi heç nə yoxdur. Mənim işim budur. Udanda da, uduzanda da kollektiv olaraq nəticə qazanırıq”.