“Böyük oyun”da növbəti gərginlik: bu dəfə “Neftçi”nin futbolçusu meydanı özbaşına tərk etmək istədi

Bu dəqiqələrdə davam edən “Böyük oyun”da növbəti gərginlik yaşanıb. Futbolxeber.az-ın məlumatına görə, oyunun 67-ci dəqiqəsində baş hakim Elvin Əsgərov Karlos Kardosanın Rahid Əmirquliyevə qarşı oyununu kobudluq kimi dəyərləndirərək, futbolçunu sarı vərəqə ilə cəzalandırıb. Bu isə braziliyalı futbolçunun ciddi etirazına səbəb olub. Braziliyalı müdafiəçi özbaşına meydanı tərk etmək istəyib. Kardosa əli ilə baş məşqçi Arif Əsədova işarə edərək, əvəzlənməsini tələb edib. Yalnız komanda yoldaşları və məşqçilər korpusunun fikrindən sonra braziliyalı futbolçu oyunu davam etdirmək qərarına gəlib.