Arif Əsədov “Bakı”ya böyükhesabla uduzmalarını şərh etdi

“Yoldaşlıq oyunlarında nəticə bizim üçün önəmli deyil. Futbolçuların hansı durumda olduğunu görmək bizim üçün vacib idi”. Futbolxeber.az saytına verdiyi açıqlamada bu sözləri “Neftçi”nin baş məşqçisi Arif Əsədov deyib.

Yoxlama oyununda “Bakı”ya 1:4 hesabı ilə uduzan “Neftçi”nin çalışdırıcısı fasilədən sonra gənclərə şans verdiyini açıqlayıb: “İkinci hissədə gənclərə şans verdik ki, onların nəyə qadir olduğunu görək. Komandamın oyunundan razı qalmadım. Millinin oyunu ilə əlaqədar yaranan fasilə istər-istəməz oyunumuza təsir edir. Yaxşı durumda olarkən birdən-birə zəifləmə olur”.