“Eyni səhvləri Azərbaycanla oyunda da etsək...”

Avro-2016-nın seçmə mərhələsi çərçivəsində milli komandamızın növbəti rəqibi olan Norveç yığmasının qapıçısı Oryan Niland Estoniyaya 0:1 hesabı ilə uduzduqları oyun barədə danışıb. Futbolxeber.az-ın məlumatına görə, “Mölde”nin şərəfini qoruyan 24 yaşlı qolkiper noyabrın 16-da Bakıda Azərbaycan yığmasına qarşı keçirəcəkləri oyundan da söz açıb: “Azərbaycanla qarşılaşmadan öncə Estoniya ilə görüş bizim üçün yaxşı hazırlıq oldu. Oyun ərzində xeyli səhvə yol verdik və bu səbəbdən də uduzduq. Amma Azərbaycanla qarşılaşmada fərqli oynamalıyıq. Çünki eyni səhvləri Azərbaycanla oyunda da etsək, Bakıdan xalsız qayıdacağıq".