28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Stadionda xəsarət alan “Qarabağ” azarkeşi: “İnter”lə oyunda stadionda olmaq istəyirəm”

Futbol üzrə Avropa Liqasının qrup mərhələsinin 4-cü turunda baş tutan  “Qarabağ” - “Dnepr” oyunu zamanı Tofiq Bəhramov adına Respublika stadionunun qapısının aşması nəticəsində xəsarət alan Samir Miriyev artıq özünü yaxşı hiss edir. Futbolxeber.az-ın Sportpress.az-a istinadən verdiyi məlumata görə, 1 saylı şəhər xəstəxanasında müalicəsini davam etdirən azarkeş həftəsonu evə buraxılacaq.

Samir Miriyev hadisəni belə təsvir edib: “Sevimli komandamın oyununa gəlmişdim. Qapılar qarşısında sıxlıq çox idi. Hamı içəri keçmək istəyirdi. Bəzi sektorlarda yer az qaldığından qapılardan keçmək olmurdu. Sonra qapıda problem oldu və o yerindən çıxdı. O zaman hadisə baş verəndən sonra müəyyən ağrılar olurdu. Amma həkimlərin səyi nəticəsində indi yaxşılığa doğru gedirəm. Əməliyyat uğurla keçdi”.

“Qarabağ” klubunun ona diqqət göstərməsini xüsusi vurğulayan Samir onlara təşəkkür etməyi unutmayıb: “Hər gün yaxınlarım yanımda olur. Səhərisi gün baş məşqçi Qurban Qurbanavu görəndə çox sevindim. “Qarabağ”ın rəhbərliyinə, futbolçulara, məşqçiyə təşəkkür edirəm. Mənə dəstək oldular. Onları yanımda görmək çox yaxşı idi”.

Həkimlərin sözlərinə görə Samir ən azı 1 ay ev şəraitində müalicə olunacaq. “Qarabağ”ın azarkeşi isə tez bir zamanda sağalmaq istəyir. Çünki, o, dekabrın 11-də Bakıda baş tutacaq “Qarabağ”-“İnter” matçını stadiondan izləmək niyyətindədir: “O vaxta kimi sağalsam həmin oyuna mütləq gedəcəm. Çalışacam ki, qrup mərhələsinin son oyununda stadionda olub”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31