Norveç millisinin baş məşqçisi: “İndi Azərbaycanla qarşılaşma haqda düşünməliyik”

“Estoniya ilə matçın çətin keçəcəyini bilirdik. Amma bu oyun bizim üçün faydalı oldu”. Futbolxeber.az-ın məlumatına görə, bu sözləri Avro-2016-nın seçmə mərhələsində milli komandamızın növbəti rəqibi olan Norveç yığmasının baş məşqçisi Per-Matias Hoqmo deyib.

Estoniyaya 0:1 hesabı ilə uduzduqları yoxlama oyunu barədə danışan 54 yaşlı mütəxəssis millimiz üzərində qələbə qazanacaqlarına inanır: “Estoniya ilə oyunun ikinci hissəsində yaxşı təsir bağışladıq. Qol şanslarımız da var idi. Lakin dəyərləndirə bilmədik. Yenilgiyə görə təəssüflənmirəm. Qarşıda bizi Azərbaycan millisi ilə oyun gözləyir. Hazırda həmin qarşılaşma haqda düşünməliyik. Bu məğlubiyyəyin heyfini Azərbaycandan çıxacağımıza inanıram”.