“Xəzər Lənkəran”ın futbolçusu mətbuatı polislə hədələdi: “Bu, şəxsi həyatdı”

“Xəzər Lənkəran”ın futbolçusu Vanderson Skuardelli özünün və həyat yoldaşının fotolarının mətbuatda yayımlanmasından narazı qalıb. Braziliyalı müdafiəçi Futbolxeber.az saytına verdiyi müsahibədə bununla bağlı deyib: “Bu haqda ümumiyyətlə danışmaq istəməzdim. Çünki bu, şəxsi həyatdı. Heç kimin bir başqasının şəxsi həyatına qarışmağa ixtiyarı yoxdur. Hər bir kəsin ailəsi var. Bəzi mətbuat orqanlarında yayımlanan həmin fotoda daha əvvəl, həyat yoldaşımın ad günündə çəkilib. Bəziləri bilmədən ağızlarına gələni danışırlar. Belə hal bir də təkrar olsa, mən artıq polisə müraciət edəcəyəm. Heç kimin ixtiyarı yoxdur ki, şəxsi fotonu götürüb, istədiyi kimi işıqlandırsın. Fotonu mənim deyil, başqasının sosial şəbəkədəki profilindən götürüblər. Bu cür hal yolverilməzdir”.