28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Vəli Qasımov: “Dnepr” “Qarabağ”ı arxayınlaşdırmaq istəyir”

Veteran futbolçu Vəli Qasımov Sportpress.az saytına açıqlamasında Avropa Liqasının qrup mərhələsində keçiriləcək “Qarabağ” - “Dnepr” görüşüylə bağlı danışıb. Futbolxeber.az-ın məlumatına görə, Qasımov oyunun Ağdam təmsilçisi üçün çox vacib olduğunu vurğulayıb: “Azərbaycan çempionu səfərdə düzgün oyun qurmaqla layiqli qələbə qazandı. Cavab matçı çətin olacaq. Bununla belə mən “Qarabağ”a inanıram. Qurban Qurbanovun komandası nəticədən asılı olmayaraq hər zaman layiqli oyun nümayiş etdirir. “Dnepr”ə qalib gələ bilməsələr belə yenə əzmkar oyun gözləyirəm. Bəzən olur ki, təmsilçilərimiz qalib gəlsə belə oyunu bəyənilmir. Amma “Qarabağ” Avroliqada çox mərd yarışır. Buna görə də bütün Azərbaycan onlardan qələbə gözləyir”.

Vəli Qasımovun fikrincə, “Dnepr” üçün Ukrayna çempionatı Avroliqa matçından vacib ola bilməz. Belə sözlərlə rəqib “Qarabağ”ı arxayınlaşdırmaq istəyir: “İnanmıram ki, onlar üçün Avropa Liqası maraqsız olsun. Axı Ukrayna çempionatında mübarizəylə yanaşı avrokuboklar da vacibdir. Ukrayna azarkeşləri bu gün “Dnepr”dən qələbə gözləyir. Üstəlik qazanılacaq 3 xal onlara pley-offa çıxmaq üçün mübarizəni davam etdirmək imkanı verəcək. Bu halda oyun az əhəmiyyətli ola bilməz. Sadəcə rəqib bizim komandanı arxayınlaşdırmaq istəyir”.

“Qarabağ” - “Dnepr” görüşü haqda proqnoz vermək istəməyən veteran futbolçu Azərbaycan çempionunun qələbə qazanacağına inandığını deyib: “Futbolçularımız məsuliyyəti dərk edir. Onlardan kollektiv oyun gözləyirəm. Qələbə qazanmaq üçün yetərincə potensial var. Rəqib zəif deyil, heyətdə oyunun taleyini həll etməyə qadir futbolçular var. Biz öz oyunumuzu oynasaq onlardan üstün ola bilərik”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31