“Həmin vaxt “Neftçi”də nə Sadıq Sadıqov vardı, nə Arif Əsədov, nə də Elnur Əşrəfoğlu”

“Neftçi” klubu “Turan”ın sabiq futbolçusu Valeri Onilenin Moldova mətbuatına müsahibəsində 2009-cu ildə “Neftçi”yə qəsdən, Tovuz klubunun baş məşqçisinin göstərişi əsasında uduzduqlarını barədə açıqlamasına rəsmi münasibət bildirib. Futbolxeber.az-ın məlumatına görə, “Neftçi”nin prezidenti Sadıq Sadıqovun müşaviri Elnur Əşrəfoğlu Sportpress.az saytına açıqlamasında deyib: “Həmin vaxt “Neftçi”də nə Sadıq Sadıqov vardı, nə Arif Əsədov, nə də Elnur Əşrəfoğlu. O zaman klubda indiki futbolçulardan da heç kim olmayıb. Görmədiyimiz, bilmədiyimiz, eşitmədiyimiz məsələ haqqında danışa bilmərik. Amma şəxsi fikrim budur ki, moldovalı futbolçu səmimi deyil. Əgər, belə bir hadisə olsaydı zamanında deyərdi. Cəsarəti olan adam hadisədən xəbər tutduqdan dərhal sonra onu açıqlayar”.