29 Sentyabr 2020, Çərşənbə axşamı
"Neftçi" məğlubiyyətdən qaçdı
"Qalatasaray"dan Azərbaycana dəstək
Ordumuz bu əraziləri azad etdi
Prezident: “Biz zəfər çalacağıq!”

Ölkə futbolu

Kovaç: “Foqtsun komandasının necə inkişaf etdiyini görməmək mümkün deyil”

Xorvatiya yığmasının baş məşqçisi Niko Kovaç AÇ-2016-nın seçmə mərhələsi çərçivəsində sabah Azərbaycan millisinə qarşı keçirəcəkləri oyundan danışıb. Futbolxeber.az-ın məlumatına görə, Kovaç rəqibi hələ analiz etmədiklərini bildirib: “Məşqdən sonra Azərbaycan yığmasının oyununa baxacağıq, rəqibi analiz edəcəyik. Onları diqqətlə izləməyimiz lazımdı. Çünki rəqibin güclü və zəif tərəflərini bilməyimiz vacibdi".

Xorvatların çalışdırıcısı millimizi güclü rəqib hesab edir: "Azərbaycan güclü rəqibdi. Son iki oyunda çətinliklə uduzublar. Bu komandanı öyrənmək üçün bu ölkədə çıxış edən futbolçulardan heç kimlə əlaqə saxlamamışam. Rəqibin bir neçə son oyununa baxmışam”

Kovaç millimizi çalışdıran Foqts haqda da fikirlərini açıqlayıb: "Berti Foqtsu çox yaxşı tanıyıram. Son illərdə onun komandasının necə inkişaf etdiyini görməmək mümkün deyil. Bizə erkən qol vurmaq çox vacibdi. Belə olan halda gərginlikdən qurtulmuş olarıq. Bütün oyunlar çətin keçir. Ona görə də qələbə qazanmaq üçün mütləq qol vurmalıyıq. Ehtiyatlı olmaq lazımdı".

Niko Kovaç heyətdə dəyişikliklər edəcəyini istisna etməyib: "Mordiçin kiçik zədəsi var. Hələ start heyətini müəyyənləşdirməmişəm. Amma mümkündü ki, Bolqarıstanla oyunla müqayisədə bəzi dəyişikliklər edək. Qısa zaman kəsiyində iki oyun keçirmək bizim üçün də çətindi. Bu, təkcə Azərbaycanın problemi deyil. Biz ötən oyunda ehtiyatda qalan futbolçuların özlərini göstərəcəklərinə və erkən qol vuracaqlarına ümidliyik".

 


apasport.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2020
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30