Ramal Hüseynov: “Əsgər Abdullayev bizim yerimizə futbol oynamayacaq ki...”

“Araz Naxçıvan”ın aparıcı üzvü Ramal Hüseynov Əsgər Abdullayevin baş məşqçi postundan getmək istəməsinə münasibət bildirib. Futbolxeber.az saytına verdiyi açıqlamada Hüseynov uğursuzluqda baş məşqçinin deyil, futbolçuların günahkar olduğunu qeyd edib: “Əsgər Abdullayevin istefasının qəbul olunmamasına sevindim. Belə də olmalı idi. Çünki baş məşqçi komandanın uğursuzluğunda ən azı günahı olanlardandır. O deyil, biz futbolçular istefa verməliyik. Komanda uduzursa, ilk növbədə günahkar bizik. Baş məşqçi öz tapşırıqlarını verir, sadəcə biz həmin tapşırıqları yerinə yetirə bilmirik. Əsgər Abdullayev bizim yerimizə futbol oynamayacaq ki... İnanıram ki, bu fasilə komandamıza faydalı olacaq. Rəhbərlik də komandanın uğur qazanması üçün əlindən gələni edir. İnanıram ki, növbəti oyunlarda daha yaxşı çıxış edib, “qara zolaq”dan çıxacağıq”.