Muntyanu PFL-i sərt şəkildə təndiq etdi

“Qəbələ”nin baş məşqçisi Dorinel Muntyanu Azərbaycan Premyer Liqasının yeddinci turu çərçivəsində “Xəzər Lənkəran”a qarşı keçirdikləri oyunu şərh edib. Futbolxeber.az-ın məlumatına görə, rumın mütəxəssis çempionatda yaranan 3 həftəlik fasilədən narazı qaldıını bildirib: “Biz oyuna qələbə qazanmaq üçün çıxmışdıq. Oyuna yaxşı köklənmişdik. Bəzi Hər şey yaxşı gedirdi, qol vurduq. Lakin qol vurduqdan sonra köklənmə ilə bağlı problem oldu. Daha sonra rəqib səhvimizdən yararlanıb, qapımıza yol tapdı. İki xal itirdiyimizə görə çox məyus olmuşam. Çempionatda 3 həftəlik fasilə yaranması həqiqətən də faciədir. Buna kimi dünyanın heç bir yerində belə şey görməmişəm. Bəzi ölkələrdə heç qış fasiləsində 3 həftə fasilə olmur. O ki qala çempionatın gedişində. Keçən dəfə də 2 həftəlik fasilə yaranmışdı”.