Elnur Allahverdiyev: “Belə hakimlərlə Azərbaycan futbolu inkişaf etməyəcək”

“Neftçi”nin müdafiəçisi Elnur Allahverdiyev “Qarabağ”a qarşı keçirilən oyunun baş hakimi Orxan Məmmədovu sərt şəkildə tənqid edib. Futbolxeber.az-ın saytına verdiyi açıqlamada təcrübəli müdafiəçi referinin penalti epizodunda düzgün qərar qəbul etmədiyini bildirib: “Belə hakimlərlə Azərbaycan futbolu inkişaf etməyəcək. Uduzmağımızda referinin verdiyi səhv qərarların böyük rolu oldu. Əgər, hakim qapımıza penalti təyin etməsəydi, görüş tam fərqli məcrada keçəcəkdi. Mən demirəm ki, “Qarabağ” zəif komandadı. Xeyr, belə deyil. Sadəcə, hakim penalti qərarını qəbul etməsəydi, nəticə fərqli olardı. Meydanda başabaş mübarizə getdi”.