29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Ruslan Abışov: “Əksinə, millidən qayıdanda özümü daha yaxşı hiss edirəm” (Müsahibə)

“Qəbələ”nin və milli komandamızın üzvü Ruslan Abışov Futbolxeber.az saytına müsahibə verib.

- Son turda “Qəbələ” öz meydanında “Neftçi” ilə heç-heçə oynadı. 3 xal qazanmağınıza nə mane oldu?

- “Neftçi” çempionatın favoritlərindən biridir. İddialı komandadır. Biz bundan əvvəlki turda “Simurq”u məğlub etmişdik. Yenə də qələbə qazanmaq istəyirdik. Təəssüf ki, alınmadı. İlk hissədə “Neftçi” bizdən daha yaxşı oynadı. Amma fasilədən sonra üstünlük bizim tərəfimizdə idi. İmkanlarımız da oldu. Lakin şanslarımızdan istifadə edə bilmədik.

- “Neftçi”ni məğlub edə bilməməyinizi yalnız ustalıq səviyyəsi ilə əlaqələndirirsən?

- Ustalıq səviyyəsi deməzdim. Sadəcə, komanda yavaş-yavaş özünə gəlir. Vaxt keçdikcə “Qəbələ”nin vəziyyəti daha da yaxşı olacaq. Buna inanıram.

- Etiraf edək ki, “Qəbələ” - “Neftçi” oyunun səviyyəsi elə də yüksək deyildi. Hər halda, azarkeşlər çempionluğa oynayan iki komandanın ifasında daha baxımlı futbola şahidlik edəcəklərini düşünürdülər...

- Razıyam ki, sürət o qədər də yüksək deyildi. Biz futbolçular inkişaf etmək istəyiriksə, daha yaxşı oynamalıyıq. Öyrənməli, daha da irəli getməliyik.

- “Xəzər Lənkəran”a qarşı keçiriləcək oyun barədə nə düşünürsən?

- Çox çətin bir oyun olacaq. “Xəzər Lənkəran” da iddialı komandadır, ciddi hədəflər uğrunda mübarizə aparır. Heyətləri də xeyli güclüdür. Amma onlar kimi bizim də məqsədimiz qələbə qazanmaqdı. 

- “Xəzər Lənkəran”la oyundan sonra çempionatda yenidən fasilə yaranacaq. Bu fasilə “Qəbələ”nin növbəti oyunlardakı çıxışına mənfi təsir edə bilər?

- Mən bunda heç bir problem görmürəm. Əksinə, millidən qayıdanda özümü daha yaxşı hiss edirəm. Milliyə görə çempionatda yaranan fasilənin “Qəbələ”yə ziyan vuracağına inanmıram.

- Foqts tez-tez azərbaycanlı futbolçuların 3 gündən bir meydana çıxmalı olduqlarını, lakin fiziki cəhətdən buna güclərinin çatmadığını deyir. Sən də ölkənin üzdə olan futbolçuların birisən. Problem nədir, həqiqətənmi 3 gündən bir meydana çıxa bilmirsiz?

- Foqtsun o fikri ilə razıyam. Həqiqətən də həftədə 2 dəfə oynamaq lazımdı. Mən də bu fikri dəstəkləyirəm. Nə qədər çox oyun olsa, fiziki cəhətdən bir o qədər daha yaxşı durumda olarıq.

- Bir müddət “Rubin”də forma geydin. Amma indi yenidən vətəndəsən. Kazana getməmişdən öncə çıxış etdiyin çempionatla indiki arasında səviyyə baxımından fərq var, yoxsa hər şey əvvəlki kimidir?

- Rusiyadan bura qayıdanda 2 ölkə çempionatları arasında səviyyə fərqi dərhal hiss olunur. Özü də hərtərəfli. Fərqlər çoxdur. Amma bizim çempionatımız da inkişaf edir. İnanıram ki, birinciliyin səviyyəsi yaxın gələcəkdə daha da artacaq.

- Yəqin ki, gələcəkdə yenidən legioner həyatı yaşamağı planlaşdırırsan?

- Əlbəttə. “Qəbələ”yə minnətdaram ki, “Rubin”dən ayrıldıqdan sonra mənimlə maraqlandılar. Bu klubun uğuru üçün əlimdən gələni edirəm. Amma gələcəkdə yenidən legioner həyatı yaşayacağam.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31