“Xəzər Lənkəran”ın 3 futbolçusu məşqi yarımçıq tərk etdi

“Qəbələ” ilə oyunun hazırlıqlarını paytaxtda davam etdirən “Xəzər Lənkəran”ın dünənki məşqini bütün futbolçular başa vura bilməyiblər. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Dünən məşq prosesinin gedişində Rəşad Sadiqov, Əfran İsmayılov və Fernando Qabriel ağrı hiss etdilər. Bu səbəbdən də adıçəkilən futbolçuları hazırlıq prosesini yarımçıq tərk etdilər. Lakin onların vəziyyəti elə də pis deyil. Tinbni personalın sayəsində hər 3 futbolçunun “Qəbələ” ilə oyuna kimi hazır olacağına inanırıq”.