25 May 2020, Bazar ertəsi
Dmitri Nazarovdan növbəti qol
Seydiyev “Qəbələ”dən gedir
Fəriddən 2 məhsuldar ötürmə
Kərimovdan rekord, Baukdan 3 top

Ölkə futbolu

“Böyük oyun”larda 3 məqam

“Neftçi” və “Xəzər Lənkəran” arasında Azərbaycan Premyer Liqasının 5-ci turunda keçirilən “Böyük oyun” rekordlarla əlamətdar olub. Futbolxeber.az-ın məlumatına görə, bakılılar ardıcıl 4-cü ev oyununda qalib gəlib. Bu isə “Böyük oyun”lar tarixinin rekordudur. “Ağ-qaralar” ötən mövsümün hər iki ev oyununda - 4:1 (02.11.2013) və 1:0 (29.03.2014), həmçinin 2012/13 mövsümündə 2:1 (15.09.2012) hesabı ilə  qalib gəlmişdi. Bu dəfəki 1:0 hesablı qələbə isə ev oyunlarındakı qələbə seriyasını 4-ə çatdırıb.

Bunadək “Böyük oyun”ların rekordu ardıcıl 3 ev qələbəsi idi. “Xəzər Lənkəran” 2011-ci il sentyabrın 10-da və 2012-ci il aprelin 22-də eyni - 1:0, 2012-ci il dekabrın 14-də isə 2:1 hesabı ilə qalib gəlməklə qonaqları xalsız qoymuşdu. “Neftçi”nin baş məşqçisi kimi bütün yarışlar nəzərə alınmaqla 9-cu dəfə “Böyük oyun”a qatılan Arif Əsədov sələfi Böyükağa Hacıyevin rekordunu təkrarlayıb. Onlar eyni komandanı “Böyük oyun”a daha çox çıxaran məşqçi kimi ən yüksək göstəriciyə malikdirlər. Daha çox - 13 belə matçda iştirak edən Ağasəlim Mircavadov isə buna iki komandada nail olub. Əsədov 9-cu cəhddən ilk qələbəsinə şahidlik edib. “Böyük oyun”ların ən məhsuldar futbolçusu Flavinyo 8-ci qolunu vurub. Bununla da öz rekordunu yeniləyən braziliyalı ən yaxın izləyiciləri ilə fərqi artırıb. Zaur Tağızadə 4, Bahodir Nasimovla Julius Vobay 3 dəfə “Böyük oyun”da qol sevinci yaşayıb. Onlardan yalnız Vobay “Xəzər Lənkəran”ın, digərləri “Neftçi”nin heyətində bunu bacarıb.


pfl.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31