25 May 2020, Bazar ertəsi
Dmitri Nazarovdan növbəti qol
Seydiyev “Qəbələ”dən gedir
Fəriddən 2 məhsuldar ötürmə
Kərimovdan rekord, Baukdan 3 top

Ölkə futbolu

“Araz Naxçıvan”da oyunları yerlilər yox, 2 legioner satır”

“Mən “Araz Naxçıvan”da azərbaycanlı uşaqların hamısını tanıyıram, çoxu ilə də birgə oynamışam. Heç kimə deməmişəm ki, Naxçıvanda oyun satanlar yerlilərdi. Oyunları yerlilər yox, legionerlər satır”. Futbolxeber.az saytına verdiyi açıqlamada bu sözləri “Araz Naxçıvan”dan ayrılan millimizin keçmiş üzvü Elhad Nəziri deyib.

Bir qədər əvvəl Ramal Hüseynovun səsləndirdiyi fikirlərə münasibət bildirən Elhad Nəziri sabiq komanda yoldaşına belə cavab verib: “Amma Ramalın reaksiyasını anlaya bilmədim. Adama deyərlər, soğan yeməmisən için niyə göynəyir? Özləri deyirdilər ki, həmin legionerlər hələ Tovuzda olarkən oyun satırdılar. “Araz Naxçıvan”da məgər ondan başqa yerli futbolçu yoxdu? Kamal var, Eşqin var, Bəxtiyar var... Məşqçilər otağa daxil olub dedilər ki, filan-filan oyunçular oyun satırlar. İndi Ramal həmin məşqçini niyə müdafiə edir? Mənim dediyim sözlərin yerli futbolçulara aidiyyatı yoxdu. Hamısı Əsgər Abdullayevə yönəlib. Oyun satan o komandada iki legionerdi”.

Nəziri ikinci dəfə “Araz Naxçıvan”a qayıtması məsələsinə belə aydınlıq gətirib: “Allahı, kişiliyi varsa o məşqçinin çıxıb, düzünü desin. Biz ilk dəfə onunla Şərurda görüşdük. Daha sonra Bakıya qayıtdım. 10 gündən sonra klubun mətbuat katibi feysbukda mənə yazdı ki, “Əsgər müəllim başımı xarab eləyib, səni komandada görmək istəyir”. Mən də dedim ki, gələrəm birdən oynatmaz. Dedilər, narahat olma, gəl. Getdim. Əsgər Abdullayev dedi ki, sən mənim otağıma meyvə yeyə-yeyə gəldin. Ona görə səni götürmədim komandaya. İndi isə səni mən çağırmışam. Məni bu dəqiqə pul maraqlandırmır, oynamaq istəyirəm. Onsuz da pulu düşünən futbolçu Naxçıvana getmir. Hər kəsin iddiası orada özünü göstərib, daha yaxşı komandaya keçməkdi. Meydana çıxmamağımın səbəbini bilmirəm. Ona görə də komandanı tərk etdim. Mən yataqxanada böyümüşəm, qaçqın adamam. Futbolda yerlim yoxdu ki, mənə dəstək versin. Bu cür söhbətləri olması bir yandan da yaxşı oldu. Üzümə gülüb, arxamca danışanları tanıdım. Sırf Ramal gəldikdə, yaşca məndən böyükdü, bu gün də hörmətini saxlayıram”. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31