"Simurq" "Qəbələ" ilə oyuna hazırdı

Azərbaycan Premyer Liqasının 5-ci turunda "Qəbələ"ni qonaq edəcək “Simurq” hazırlıqlarını tamamlayıb. Futbolxeber.az-ın klubun rəsmi saytına istinadən verdiyi məlumata görə, bir saatdan artıq davam edən çalışmalar isinmə hərəkətləri ilə başlayıb. Daha sonra qruplara bölünərək "kvadrat" və ikitərəfli oyun keçirilib. Sonda isə qapıya zərbələr, cinahlardan asmaların qapanması yerinə yetirilib. Məşqdə dizindən əməliyyat olunan yeni transfer Vüqar Mustafayev də iştirak edib. İsinmə hərəkətlərindən sonra o və belində ağrılar olan Əli Gökdəmir komandadan ayrı, fiziki hazırlıq üzrə məşqçi Aleksandar Karakliçin rəhbərliyi altında çalışmaları davam etdirib. Bundan sonra istirahətə çəkilən Georgi Çixradzenin yetirmələri artıq qarşılaşmanın başlama saatını gözləyir.

Qeyd edək ki, "Simurq" - "Qəbələ" matçı saat 17:00-da start götürəcək və Zaqatala klubunun rəsmi saytı vasitəsilə canlı yayımlanacaq.