“Neftçi” - “Xəzər Lənkəran” matçının canlı yayımlanmaq ehtimalı 99 fazidi

Azərbaycan Premyer Liqasının V turu çərçivəsində keçiriləcək “Neftçi” - “Xəzər Lənkəran” oyunu böyük ehtimalla, internet vasitəsi ilə canlı yayımlanacaq. Futbolxeber.az-ın məlumatına görə, “Böyük oyun”un canlı yayımlanmaq ehtimalı 99 faizdir. Oyun öncəsi son məşq zamanı “Xəzər Lənkəran”ın mətbuat xidmətinin rəhbəri Hüseyn Cəbrayıloğlu və departamentin digər əməkdaşları stadiona baxış keçiriblər. Onlar çəkiliş üçün stadionun müxtəlif yerlərinə baxıblar. Stadionun əməkdaşları da öz növbələrində canlı yayımın baş tutması üçün qonaqlara əllərindən gələn köməkliyi göstərəcəklərini bildiriblər. Beləliklə, ortaya hər hansı gözlənilməz problem çıxmasa, “Böyük oyun” “Xəzər Lənkəran”ın rəsmi saytı vasitəsi ilə canlı yayımlanacaq.